碧仙桃港
碧仙桃港（英文：Port of Bristol）係英格蘭碧仙桃市既各個碼頭同埋周邊既商業設施既總稱。喺1991年之前，碧仙桃市議會既碧仙桃港管理局（Port of Bristol Authority）負責營運碧仙桃市港（Bristol Harbour，喺市中心既河港）、雅芳河（River Avon）河口北面既雅芳茅斯港（Avonmouth）同埋南面既皇家波特百里碼頭（Royal Portbury Docks）同 Portishead 四個海口。1991之後，河口北面既兩個港口租咗俾碧仙桃港口公司（The Bristol Port Company，BPC）經營。
歷史 編輯
碧仙桃既港口最初只係喺雅芳峽谷（Avon Gorge）上游，雅芳河同 Frome 河既沿岸，同埋呢兩條河匯流既區域，，港口既呢部分叫做碧仙桃市船碼頭（Bristol City Docks），依家好多時都叫嗰度做碧仙桃河港（Bristol Harbour）。但係由於雅芳河同 Frome 河都係細小而且淺水既河，無辦法容納遠洋輪船，所以依家既碧仙桃港既主要港區實際上係喺附近既雅芳河口南面既兩個港口。
即使係以前啲船比較細，喺潮水低既時候，碧仙桃港都好難行船，所以碧仙桃港非常依賴碧仙桃灣既極端潮汐（14 公尺既高潮）。 啲想入港既船，需要等啲潮水上漲，等水位夠高既時候，先至可以逆流而上，穿過雅芳峽谷，利用潮水，沿住條河向上游入港。啲想出港既船，會喺漲潮時開始出港，退潮既水流會帶佢哋漂出大海。喺1800年代，港口安裝咗船閘，加上雅芳河改道，令到啲船唔會侷住係低潮既時候停喺泥濘嗰度，而係可以一直浮喺水上面，所以碧仙桃市港又有另一個名，叫做「浮港」（Floating Harbour）。
喺雅芳峽谷航行，係充滿挑戰既，而且隨住船隻越來越大，喺峽谷行船變得越來越困難。 喺1877年，雅芳茅斯（喺雅芳河口）起咗嗰度既第一個碼頭，依家叫做雅芳茅斯舊碼頭；1884 年，碧仙桃企業（Bristol Corporation）收購咗雅芳茅斯同 Portishead 船塢。1908年，皇家愛德華碼頭（Royal Edward Dock）喺雅芳河口北面既雅芳茅斯起好咗，可以直接通往 River Severn 同埋碧仙桃灣。
1972年，喺皇家愛德華碼頭河口對面既大型深水港皇家波特百里碼頭起好咗，可以直接通去碧仙桃灣。
呢啲發展項目令到喺「浮港」既舊碧仙桃市碼頭變成無商業價值，所以碧仙桃市碼頭重新開發做碧仙桃市中心同埋週邊地區既休閒、住宅同零售中心。1991年，一間砂石公司成為最後碧仙桃市碼頭既最後一個商業用家[1]。
Portishead 發電廠既停止營運，亦都令到 Portishead 碼頭變成多餘，最終碼頭喺1992年終止營運。
1991年，碧仙桃市議會將雅芳茅斯同皇家波特百里碼頭既150年經營權合約售咗俾第一船務（First Corporate Shipping Ltd）[2]，呢間係由 Terence Mordaunt 同 David Ord 擁有既私人公司。營運碼頭既係第一船務屬下既碧仙桃港公司（BPC），佢哋投資咗超過6億英鎊，令碼頭既年吞吐量從400萬噸增加到1,400萬噸。
截至2014年，BPC好幾次申請購買碼頭既永久業權，但係都俾碧仙桃市議會拒絕咗。 2012年公投之後，碧仙桃市既選民決定設立市長呢個職位，之後選咗 George Ferguson 做第一任市長。 2015年3月，佢同佢既內閣決定咗用1,000萬英鎊出售碼頭既永久業權，同埋擁有BPC公司既12.5%無投票權股份。碧仙桃市議會成員喺6月2日投票反對呢個決定，理由係價錢太低，然後將個個案俾返市長決定[3] 。兩個星期之後，市長內閣決定都係賣咗碼頭既永久業權[4][5]。 受到《理財周刊》（Money Week）雜誌編輯既批評之後[6] ，George Ferguson 同英國《金融時報》（Financial Times）講，呢筆交易對碧仙桃呢座城市嚟講，係有非凡價值既。[7][8]
第一船務喺2019年保守黨領袖競選期間向約翰遜（Boris Johnson）同侯俊偉（Jeremy Hunt）捐贈咗25,000英鎊[9][10]。
自由港 編輯
碧仙桃港係約翰遜提議建立自由港既六個港口之一，佢話呢個係促進國家落後地區投資既「絕佳」方法[11] 。碧仙桃港口公司對呢個消息表示歡迎，認為自由港地位有可能增加英國港口同埋周邊地區既投資機會[12] 。但係，有啲港口同貿易專家預測，主要影響只係將商業活動從週邊地區轉移到港口，而唔係創造新既就業機會[13]。
新貨櫃碼頭 編輯
喺2010 年，BPC計劃花5億英鎊喺雅芳茅斯起一個新既深水貨櫃碼頭[14]，不過擴建碧仙桃港既新深海貨櫃碼頭計劃，推遲咗幾次，投資亦增加到6億英鎊，有報導話可能推遲到2030年[15]。
外部連結 編輯
參考 編輯
- ↑ "New Housing – Pooles Wharf" (PDF). Bucknall Austin. 原著 (PDF)喺13 November 2006歸檔. 喺19 December 2008搵到.
- ↑ "FIRST CORPORATE SHIPPING LIMITED". Dun & Bradstreet. 喺9 February 2020搵到.
- ↑ "Meeting documents, Full Council, Tuesday, 2nd June". 2 June 2015. 喺7 February 2020搵到.
- ↑ "Bristol City Cabinet Meeting Agenda". Bristol City Council. 喺9 February 2020搵到.
{{cite web}}: CS1 maint: url-status (link) - ↑ "Avonmouth and Portbury Docks freehold sold for £10m". BBC. 4 August 2015. 喺9 February 2020搵到.
- ↑ "The balance of power is shifting away from property owners". Money Week. 29 June 2015. 喺9 February 2020搵到.
- ↑ "Mayor defends port deal in Financial Times". Bristol 247. 4 August 2015. 喺7 February 2020搵到.
- ↑ "Bristol Port deal is exceptional value". Financial Times. 喺7 February 2020搵到.
- ↑ Watts, Jonathan; Duncan, Pamela (2019-10-11). "MPs and the oil industry: who gave what to whom?". The Guardian (英國英文). ISSN 0261-3077. 喺2024-01-22搵到.
- ↑ Walker, Peter; Walker, Amy (2019-07-05). "Tory leadership donations: who's really backing Boris Johnson". The Guardian (英國英文). ISSN 0261-3077. 喺2024-01-22搵到.
- ↑ "Bristol Port 'very strong contender' to become free port, says Boris Johnson". Business Live. 15 November 2019. 喺10 February 2020搵到.
- ↑ "Free Ports – an opportunity to boost Bristol's global gateway". Bristol Port Company. 8 August 2019. 喺10 February 2020搵到.
- ↑ "Experts sceptical on Johnson's plans for regional freeports". Financial Times. 5 July 2019. 喺10 February 2020搵到.
- ↑ "Site investigation underway for Bristol box terminal Avonmouth,Bristol, Bristol Port Company, Container terminals". 13 December 2010. 原著喺18 July 2011歸檔. 喺13 December 2010搵到.
- ↑ Team, Transport & Logistics Editorial (2016-04-22). "The £600 million investment to extend Bristol Port delayed for more than a decade". Transport & Logistics Magazine (英國英文). 原著喺2023-03-21歸檔. 喺2024-01-22搵到.