社交媒體騙案（英文：Social Media Deception）係通過社交媒體識網友去呃人錢嘅一種詐騙手法。
呃人嗰個有機會犯法去攞人哋社交媒體個戶口名、電郵地址同密碼，跟住冒充佢登入社交媒體，仲會搵佢聯絡人簿上面嘅朋友，搵藉口要對方幫佢買點數卡或增值卡，仲要人哋講埋卡上面嘅序號同密碼，一得手就失聯。
受害人都有機會經社交媒體識呃人嗰個，佢要求同畀人呃嗰個見面嗰陣，會搵藉口同佢借手機，跟住就走佬，又或者要人哋俾保證金先（通常係叫佢哋買點數卡或增值卡，仲要人哋講埋卡上面嘅序號同密碼），話咁先保得住佢自己條命。
