呢篇文講日本漫畫作品。想搵第二個意思嘅話,請睇神奇小子 (搞清楚)

神奇小子パーマン,Perman)係日本漫畫家藤子·F·不二雄嘅作品,曾經由1966年起連載2年及1983年再連載3年,後來幾次被改編成電視及電影動畫。

香港嘅亞洲電視於1984年喺本港台播放神奇小子動畫。

劇情簡介 編輯

故事講述小學生德仔(須羽満夫)喺某一日無意中「幸運地」遇上負責保衛銀河嘅神奇金剛,被委以重任,成為保護地球嘅神奇小子1號。德仔原本只係一個普通嘅小學生,得到鳥人嘅道具後,包括神奇頭盔、飛天斗蓬、神奇襟章及替身機械人,成為擁有超能力嘅英雄。

連載雜誌 編輯

  • 週刊少年星期天:1967年2號~44號別冊少年星期天:1967年11月號
  • 少年星期天增刊:1967年春季號・夏季號、1968年新年增刊號
  • 小學館BOOK:1967年3月號~1968年3月號
  • 小芽:1967年3月號~1968年7月號
  • 好孩子:1967年3月號~1968年9月號
  • 幼稚園:1967年3月號~1968年12月號
  • 小學一年生:1967年3月號~1968年8月號
  • 小學二年生:1967年3月號~1968年8月號
  • 小學三年生:1966年12月號~1968年8月號、1983年4月號~1985年3月號
  • 小學四年生:1966年12月號~1968年8月號、1983年4月號~1986年3月號
  • 小學五年生:1967年4月號~1968年5月號
  • 小學六年生:1967年4月號~1968年2月號
  • コロコロコミック(快樂龍):1983年4月號~11月號、1984年4月號~6月號
  • 電視君:1983年4月號~1984年4月號

主要角色 編輯

神奇小子 編輯

  • 1號神奇小子德仔パーマン須羽満夫)(香港粵語配音:沈小蘭(真身)/ 譚淑英(替身))
漫畫主角。平時係個懶惰、粗心、有啲蠢嘅小學生,變身為神奇小子後性格會發生變化。鍾意金麗華(星野スミレ)同埋同學澤田蜜子(ミチ子)。驚甴曱。
  • 2號貔貅ブービー)(香港版粵語配音:葉少榮)
猩猩。漫畫初期同媽媽住喺動物園,後期設定為係一對老年夫婦嘅寵物。鍾意吃香蕉。同隔籬隻狗係好朋友。
  • 3號神奇少女金麗華パー子星野スミレ)(香港版粵語配音:雷碧娜)
日本最受歡迎嘅少女偶像。對其他神奇小子一直隱瞞身份。鍾意神奇小子一號,但一直冇表露。
  • 4號神奇羅漢大山法善パーやん大山法善)(香港版粵語配音:陸頌愚)
出生喺大阪嘅金福寺。頭腦相當好,多次運用智慧解決問題。鍾意賺錢,自己搞咗一間小型運輸公司。
  • 5號パー坊山田浩一
彩色電視版冇嘅人物,係一名一歲半嘅BB,由於見到神奇小子嘅真面目,所以成為神奇小子嘅成員。由於單行本冇收錄相關嘅故事,所以冇乜讀者知道佢嘅存在。直到2002年紀念特別映畫而出版嘅My First BIG『パーマン パーマン永遠なれ!!』(第3卷),至正式收錄故事『5號嘅誕生』。
  • 神奇金剛バードマン)(香港版粵語配音:黃志成)
畀各位神奇小子道具嘅外星人。如果有人泄漏神奇小子嘅秘密會俾佢變成動物。但實際上佢好溫和,總係諗辦法令神奇小子改正錯誤。性格有啲毛糙。

配角 編輯

須羽家 編輯

  • 須羽満太郎
德仔阿爸。
  • 媽媽
德仔阿媽。
  • 須羽ガン子
德仔個妹。

師友 編輯

  • 澤田蜜子沢田ミチ子
  • 大番薯カバ夫)[香港版粵語配音: 陳永信]
  • 奀仔サブ
  • 三重晴三
  • 大山老師

其他 編輯

  • 貔貅嘅主人
一對老年夫婦。

主要能力 編輯

收藏方法:將斗蓬同埋襟章擺喺頭盔裏面,三者可以被搓揉縮小,並收埋喺耳窿入面。

  • 頭盔 - 除了用嚟隱藏身份之外,載上頭盔後力大無窮,並可以增強骨嘅強度達6600倍。耳嘅中間裝有萬能翻釋機。
  • 斗蓬 - 用特殊纖維製作,着上身之後可以能反重力推進,自由飛行。最高時速119km(第1作時係91km),如果神奇小子手連手飛嘅話,可以再增加速度。
  • 襟章 - 通話器、潛水氧氣囊及簡易雷達。
  • 替身機械人 - 喺神奇小子活動期間,佢哋可以將機械人變成一個同自己一模一樣嘅替身,掩人耳目。德仔成日用佢嚟幫自己開小差或做功課,但時間耐咗亦同替身產生友情。開關喺機械人嘅紅色鼻上面,德仔多數將佢收埋喺書床嘅大櫃桶入面。

完結篇 編輯

完結篇係主角德仔被選出到超人星學習,臨走前3號畀佢睇自己嘅真面目。喺作者另一部漫畫多啦A夢中,已經成年成為明星嘅3號曾多次出現,堅守住青梅竹馬嘅感情,重等緊1號返嚟。

睇埋 編輯

出面網頁 編輯