祥雲樓

祥雲樓（粵拼：coeng4 wan4 lau4）係中國廣東韶關一景點同塔樓，亦係五代十國時期嘅建築，喺乳源雲門山景區西北邊嘅慈悲峰頂，懸崖邊近吊車站（祥雲樓站）上邊隔籬。

佢亦係雲門山自然風景區入面，有祥瑞、慈悲同禪意喺埋一齊嘅標誌性塔樓。喺塔頂重可以望到晒成個乳源縣城中心。

故仔

相傳五代十國時期，文偃祖師行遍天下名山，睇到雲門山有好多雲，似仙境。由於慈悲峯成日有紫氣落嚟，結果揀中呢個地方嚟起梵宇。後嚟詩人寫咗首噉嘅詩：

萃秀鐘靈一洞天，曾聞此地聚群仙。
騰霄達漢垂蒼霧，浥露餐霞掃碧煙。
帶得奇雲乘鶴下，彌漫紫氣藹山前。
飄搖變幻難名狀，妙入神機莫測間。