禁酒令係禁止製造、運輸、進口、出口、銷售、飲酒（即含酒精飲品）。一般同宗教信仰、政治或醫療有關。各國歷史上行使禁酒令嘅時期為禁酒令時期。由於禁酒政策喺西方社會並唔成功，當代禁酒運動（反對者稱為新禁酒運動〔Neo-prohibitionism〕）只能夠要求立法限制或提倡移風易俗，以減少酒嘅銷售同消費，例如瑞典將酒類視為管制用藥等。
某啲宗教禁酒，包括猶太教、伊斯蘭教、佛教。喺伊斯蘭世界，通常以法律明文禁止平時買賣酒類。除咗日本佛教以外，喺戒律中亦提及唔允許飲酒作為消遣慾樂（有加入酒精但唔會令人醉嘅食物就例外，例如醉雞）。道教規定道士唔禁酒，但唔可以酗酒。
