開主選單

福今路粵拼fuk1 gam1 lou6)係中國廣東省廣州市嘅一條馬路,喺越秀區入面,成條馬路南北走向。北邊從東風東路開始,一直向南去到中山一路嗰頭。

福 今 路
FUJIN LU
GZ rd sign N.svg Guangzhou rd middle.png GZ rd sign S.svg
福今路嘅路牌
福今路嘅路牌
性質: 一般馬路
全長: 0.671公里
行車線: 1車道
北向南嘅單行線
地區: 廣州市越秀區
起點: 東風東路
終點: 中山一路
主要建築: 廣州市第二幼兒園
廣東省氣象局
梅花村

歷史

原名福音路,因梅花村原名福音村得名,福音村由基督教徒何禮匡、馮活泉率先開發,其南北向道路命名為「福音路」;後來兩人早逝,國民政府收回建設模範村。1968年福音路改叫福今路。

模範住宅區

留美市長林雲陔,認為以英國田園都市新式住宅區為榜樣,設立模範建市嘅廣州。故此喺竹絲崗,馬棚崗等地域規劃住宅區,並設定住宅設計標準圖樣。由當時特別市改工程專員室袁夢鴻,陳啟元,羅明橘等大師設計。其中福音村,就改造為安老院南模範住宅區,即後尾嘅梅花村。

民國時梅花村住過唔少猛人,留低唔少建築,例如而家婦聯佔用嘅陳濟棠公館(羅明佑設計)。

梅花村派出所隔離棟洋樓原先就係陸幼剛住開,陳濟棠細佬陳維周、余漢謀、吳鐵城、古應芬(愛群大酒店設計師陳榮枝設計,而家派出所位置,蔣介石宋美齡都住過)、林雲陔、劉紀文(官邸由林克明大師設計,估計係廣州最早有獨立防空洞嘅住宅)、蕭佛成、區芳浦、林翼中、歐陽山、李揚敬、林直勉、蔣光鼐、張發奎細佬都有住過呢頭,天主教安老院(現省委幼稚園)、德國領事館都喺過呢度。

概要

全長671米,闊24米,1車道,凈畀從北到南行。

經過嘅道路

呢度啲路嘅順序係從北去到南嚟排嘅,其中加粗咗嘅字係主幹道: