禪繞畫
禪繞畫（英文：Zentangle）發源於美國，由一對夫婦 Rick Roberts 同 Maria Thomas 創辦，老公曾經係僧侶，老婆係一位植物插圖藝術家兼書寫體藝術家，兩個人一齊發展具有心靈療癒力嘅創作方式。禪繞畫嘅重點係喺有規律以及一筆一畫構成圖樣嘅過程中，讓自己達成既放鬆又專注嘅狀態，並從中得到平靜。
畫法
編輯禪繞畫嘅畫法輕鬆有趣、簡單易學。唔需要深厚嘅繪畫基礎，亦唔需要特定嘅場地，一支黑筆、一支鉛筆、一張紙，就可以隨時隨地盡情纏繞。盤曲纏繞嘅線條構成咗禪繞畫嘅基本紋樣，多種紋樣嘅自由組合就構成咗一幅完整嘅禪繞畫。唔單止係一種藝術創作，唔少人重利用佢嚟舒緩壓力，所以又稱為「頭腦瑜伽」，正係因為通過纏繞，人腦可以好容易噉進入到冥想狀態，逐漸達到深度嘅專注。喺以精緻嘅線條重複畫圖形時，每個人都可以專注喺每一個筆畫，喺噉樣嘅意識狀態下，心智、直覺、知識都能夠迅速、精確而且唔需要吹灰之力噉共同運轉。
特點
編輯禪繞畫被譽為心靈藝術，喺設定好嘅空間裏面用不斷重複嘅基本圖形創作出美麗嘅圖案。畫出嘅嘅圖案，有啲似填色書上面嘅圖案。禪繞畫嘅世界裏面，冇比較，冇啱定錯，唔會用擦膠，所謂嘅錯誤可以成為新嘅出發點，只要憑住感覺畫，自在愉快就可以，所以又被稱為「心靈嘅畫作」。禪繞畫嘅素材順其自然、憑住生活，再加上人嘅無限想象力，可以無限延伸，產生出各種各樣嘅可能性。