秦始皇二十六年銅詔版
秦始皇二十六年銅昭版係1976年喺中國甘肅省慶陽市鎮原縣城關鎮富坪村出土嘅一塊銅版，現存喺鎮原縣博物館。
秦始皇二十六年銅詔版長10.8釐米，寬6.8釐米，厚0.3釐米，重150克。上面用小篆陰刻咗秦始皇二十六年（前221年）統一度量衡嘅詔書，翻譯做楷書係：
| 「 | 廿六年皇帝盡並兼 天下諸侯黔首大安 立號為皇帝乃詔丞 相狀綰法度量則不 壹歉疑者皆明壹之 |
」 |
係一道將各地道量衡統一嘅秦始皇昭書，呢塊詔版上嘅詔文係秦統一文字嘅見證，亦係統一度量衡嘅通用公文法令。銅版上面5行40字，同顏氏家訓記載，「開皇二年（581年）五月，長安民掘得秦時鐵稱權，旁有銅塗鐫銘二所。其一所曰：『廿六年，皇帝盡並兼天下諸侯，黔首大安，立號爲皇帝，乃詔丞相狀、綰，法度量則不壹嫌疑者，皆明壹之。』凡四十字。」相同，由於銅版形式極為罕有，所以被國家文物局鑒定專家組定為國家一級文物。