秦檜（1091年1月17號—1155年11月18號），趙宋人，南宋丞相。佢因為將莫須有罪名加喺岳飛身上，砌佢生豬肉而出名。
秦檜長期以嚟，秦檜一直被當時嘅南宋朝廷主戰派、民間視為漢奸或賣國賊。《宋史》對佢有咁嘅評價：「檜兩據相位者，凡十九年，劫制君父，包藏禍心，倡和誤國，忘仇斁倫。一時忠臣良將，誅鋤略盡。」
紹興二十五年（1155年），秦檜瓜老襯，宋高宗詔贈申王，謚號忠獻。佢嘅便宜仔秦熺想繼承相位，不過宋高宗拒絕咗。
宋寧宗開禧二年（1206年）四月，韓侂胄下令褫奪秦檜嘅王爵，改謚號叫做繆醜，宋理宗寶祐二年（1254年）再改謚號做繆狠。
