立禾治堅設計局

立禾治堅設計局（俄文：НПО имени С. А. Лавочкина，簡稱Ла；中文簡稱拉），又叫做立禾治堅研究與生產協會（ФГУП «Научно-производственное объединение им. С. А. Лавочкина»），係蘇聯/俄羅斯嘅一間飛行器設計局，亦都係蘇聯十一大飛行器設計局裡面，唯一唔係以最初創辦人個名來命名嘅設計局。

立禾治堅設計局設計嘅飛機

立禾治堅設計局喺1937年由飛機設計師傅拉芝米勒·П·戈祿勃諾夫（Владимир П Горбунов）建立，編號301。後來，另一位設計師些蒙·阿歷些耶域治·立禾治堅（Семён Алексеевич Лавочкин）被人任命為設計局總設計師，並且喺二戰期間研發出咗一系列表現出眾嘅活塞引擎戰鬥機。因此，1960年設計局重組嘅時候，就用咗立禾治堅個名，叫做「立禾治堅設計局」。二戰結束咗之後，立禾治堅設計局將研發重心轉移到導彈同噴氣式戰鬥機上面，重組之後又再轉到太空船上面。蘇聯/俄羅斯嘅月球同火星探測任務，用嘅都係立禾治堅設計局設計嘅航天器。