章貢區粵讀:zoeng1 gung3 keoi1)係中國江西省贛州。面積375.52km²[1],人口45.9824萬(2012年),轄5條街道、7個鎮、2個單位。

  • 街道:解放街道、贛江街道、南外街道、東外街道、黃金嶺街道
  • 鎮:沙石鎮、水東鎮、水南鎮、湖邊鎮、沙河鎮、水西鎮、蟠龍鎮
  • 單位:贛州經濟技術開發區、沙河工業園

編輯

  • 章貢區係贛州市區。西周前屬揚州域,春秋係百越之地,戰國時先屬越後屬楚,秦時屬九江郡。
  • 漢高祖六年(前201年)立城邑設贛縣(贛讀禁,粵拼:gam3 jyun6),贛州先開始建置,之後呢度係贛縣縣治。
  • 南朝陳永定元年(557年)贛縣同南康縣掉轉個名,隋大業初年(605年)兩個縣名又掉返過來。
  • 1949年8月15號從贛縣分置出贛州市縣級市)。
  • 1999年6月15號贛州市升級爲地級市,原先嘅贛州縣級市嘅市區改口爲章貢區

「章」係指「章水」,「貢」係指「貢水」,章水同貢水喺呢處交匯,所以叫「章貢」,同時章貢二水交匯先至係贛江,贛縣個名亦就源於開始設縣時縣治(今日章貢區)喺贛江頭。

章貢區「南撫百越,北望中州」,係溝通贛、閩、粵、湘嘅重鎮,係個兵家必爭之地;同時城區四周環山、三面臨水,「山爲翠浪湧,水作玉虹流」,風光同地位令佢譽為「千里贛江第一城」。章貢區作為古城文物古蹟多,尤其係宋時古董,所以又叫「宋城」。歷史上文人亦多造訪,最有名嘅詩詞係辛棄疾嘅《菩薩蠻·書江西造口壁》,開頭句「鬱孤臺下清江水,中間多少行人淚。」令呢度嘅古蹟鬱孤臺出咗名。

編輯

  1. . 原著喺2011-06-14歸檔. 喺2011-06-17搵到.