第1屆金曲獎

第1屆金曲獎行政院新聞局主辦,共設10獎項同1特別獎,喺1989年8月受理報名,9月16號公布入圍名單,其中女演唱人獎演唱組獎新人獎四獎項入圍者必須參與現場演唱,經評審揀後先有得獎機會。男、女演唱人獎同演唱組獎入圍者喺12月30號至華視攝影棚現場演唱,新人獎入圍者就喺1990年1月6號頒獎典禮現場演出。頒獎典禮喺台北國父紀念館舉行,典禮實況由華視錄影轉播。

第1屆金曲獎
日期 1990年1月6號 (1990-01-06)
地點 中華民國臺灣台北國父紀念館
國家或地區 中華民國臺灣
主辦方 行政院新聞局
主持人 崔苔菁[1]
電視/電台轉播
電視網絡 華視
金曲獎
第2屆 →

報名資格同統計

首屆金曲獎共設包括特別獎在內嘅11獎項,自1989年8月1號開始至10號受理報名[2]。報名參賽嘅作品同個人必須係1988年7月1號至1989年6月30號間,喺臺灣地區有居所、並有半年居住事實嘅中華民國國民創作發行,同經行政院新聞局廣播電視歌曲輔導小組通過有案者為限,國、閩、客、粵語歌曲都可報名[3]香港公民如果喺台灣住滿半年,表示事業發展重心喺台灣嘅都可以報名[4]。報名限有聲出版業或錄影帶節目製作業,或係廣播電視事業、金曲獎評審委員、歌曲輔導小組推薦報名。報名男女演唱人、新人或特別獎,只能揀一報名;新人獎就必須係兩年內開始從事職業演唱,並有唱片或錄音作品者為限[2]

總計共28個事業單位報名,總收件數410件,參加角逐個人技術獎為224人[5]。本屆評審會由陶曉清擔任主任委員,評審共25人[6][7]。評審作業從8月26日展開,喺9月16號公布入圍名單。各入圍者可獲頒獎牌一面,得獎者獲頒獎座[8]

十獎項報名統計如下:[5]

演唱人(組)獎同新人獎評選

男、女演唱人同演唱組獎等三項入圍人選,要喺12月30號去華視攝影棚「現場演唱、當場評審」,以佢嘅演唱表現列入評分項目計分,成績封存至1月6號頒獎典禮宣布[9]。現場比賽原則,出場序以抽籤決定號序,最多可唱兩次。第一次從第一號唱起,第二次就從尾數倒唱至第一號。合音自備,但以八人為限;舞群都自備;燈光由華視準備三套,歌者依曲調旋律自行挑選一套。新人獎入圍者1月6號喺頒獎典禮現場獻唱,當場評分選出,有關合音、舞群、燈光的應用原則同演唱人獎相同。

12月30號評選喺夜晚7點30分開始,當晚擔任評審嘅有:駱明道、黃瑩、青山、劉福助、溫隆信、柯芳隆、簡文秀、城振銘、呂麗莉等九人。[10][11] 評審標準係唱腔技巧、歌曲詮釋各佔30%,音色佔15%,台風儀態同個人風格佔25%。[12] 參與嘅9入圍者經抽籤決定嘅演唱順序係:殷正洋鄭怡張清芳粉紅派對蔡幸娟王傑周華健知己二重唱江蕙。華視將演唱實況同其他詞、曲同歌唱錄影帶獎項入圍者相關資料,製成兩個半鐘節目,喺1月2號夜晚10點播出[13]

各入圍者演唱歌曲如下:[10]

  • 新人獎
邰正宵〈愛上我或離開我〉
伍思凱〈偶而〉
馬玉芬〈最近〉
鄭婷〈最後一朵火焰〉
張雨生當時喺藝工隊服役,最終未出席。[16]

頒獎典禮

9月16號公布入圍名單後,揀定台北國父紀念館做頒獎典禮地點,但國父紀念館自1986年10月開始封館修建重未完工,令原定1989年10月底舉行嘅頒獎典禮延宕至隔年1月6號夜晚7點30分舉行,典禮主持人由崔苔菁擔任,典禮實況由華視喺6號嗰晚10點錄影轉播[17][18][19]

新聞局共安排十三位頒獎人,除新聞局長邵玉銘外,由台北市長吳伯雄頒「年度歌曲獎」、曾慶瑜頒「最佳男演唱人」、殷正洋頒「最佳女演唱人」、王夢麟趙樹海負責「最佳演唱組獎」、吳靜嫺洪一峰頒「新人獎」、翟君石頒「最佳作詞人獎」、李泰祥頒「最佳作曲人獎」、陶曉清負責「最佳編曲人獎」、李行頒「最佳單曲歌唱錄影帶導演獎」、吳楚楚頒「最佳單曲歌曲錄影帶影片獎」[20][21]

入圍暨得獎名單

共有10個獎項同一個特別獎。除特別獎外,共16間唱片公司,36人,10首歌曲,4部MV入圍,得獎者喺頒獎典禮現場揭曉[8]

最佳年度歌曲獎

入圍作品 報名單位
今生又來生 新格文化事業股份有限公司
我很醜,可是我很溫柔 滾石有聲出版社有限公司
我想有個家 藍與白唱片有限公司
依然是你的雙手 滾石有聲出版社有限公司
妹妹鬆開我的手 天下唱片事業有限公司
針線情 金嗓唱片有限公司
記得我們有約 飛碟企業有限公司
從來不肯對你說 全美有聲出版社
說起往事 新格文化事業股份有限公司
誰說少年不知愁 天下唱片事業有限公司

最佳作詞人獎

入圍者 入圍作品 報名單位
涂敏恆 死河灞 全成唱片音樂公司
孫家麟孫儀 妹妹鬆開我的手 天下唱片事業有限公司
張景洲 針線情 金嗓唱片有限公司

最佳作曲人獎

入圍者 入圍作品 報名單位
城振銘 說起往事 新格文化事業股份有限公司
翁清溪 妹妹鬆開我的手 天下唱片事業有限公司
張弘毅 從來不肯對你說 全美有聲出版社
張錦華 針線情 金嗓唱片有限公司

最佳編曲人獎

入圍者 入圍作品 報名單位
徐嘉良 死河灞 全成唱片音樂公司
陳志遠 永遠不回頭 飛碟企業有限公司
陳揚 愛到最高點 可登有聲出版社有限公司
張弘毅 從來不肯對你說 全美有聲出版社

最佳單曲歌唱錄影帶影片獎

入圍作品 報名單位
水中花 寶麗金唱片股份有限公司
不想睡的紅舞鞋 寶麗金唱片股份有限公司
老么的故事 點將股份有限公司
我很醜,可是我很溫柔 滾石傳播事業有限公司

最佳單曲歌唱錄影帶導演獎

入圍者 入圍作品 報名單位
王仁里 我很醜,可是我很溫柔 滾石傳播事業有限公司
張達隆 老么的故事 點將股份有限公司
虞戡平 無色彩 飛羚唱片有限公司

最佳男演唱人獎

入圍者 報名單位
王傑 飛碟企業有限公司
周華健 滾石有聲出版社有限公司
姜育恆 飛碟企業有限公司
殷正洋 上揚有聲出版有限公司
費玉清 天下唱片事業有限公司

最佳女演唱人獎

入圍者 報名單位
江蕙 鄉城唱片股份有限公司
張清芳 點將股份有限公司
葉璦菱 瑞星唱片有限公司
蔡幸娟 飛碟企業有限公司
鄭怡 可登有聲出版社有限公司

最佳演唱組獎

入圍者 報名單位
粉紅派對林嘉苹林秋萍 歌林股份有限公司
小虎隊吳奇隆蘇有朋陳志朋 飛碟企業有限公司
知己二重唱曾寶明吳志華 飛碟企業有限公司

新人獎

入圍者 報名單位
伍思凱 可登有聲出版社有限公司
邰正宵 飛碟企業有限公司
馬毓芬馬玉芬 可登有聲出版社有限公司
張雨生 飛碟企業有限公司
鄭同芳鄭婷 寶麗金唱片股份有限公司

特別獎

得獎者
陳達儒
莊奴

參考

  1. 第1屆金曲獎崔苔菁開幕典禮引言
  2. 2.0 2.1 "金曲獎 八月報名 比賽項目 共十一類". 民生報. 1989-07-13. p. 10.
  3. "第一屆 金曲獎 八月報名". 聯合報. 1989-07-19. p. 8.
  4. "金曲獎 排除「空降部隊」 落實「本土化」 嚴限報名身分". 民生報. 1989-07-19. p. 10.
  5. 5.0 5.1 "金曲獎下旬進行評審 九月公布十獎項入圍名單". 聯合報. 1989-08-16. p. 8.
  6. 陶曉清 (1990-01-08). "圓滿中的遺憾 金曲獎的省思". 聯合報. p. 30.
  7. 王介中 (1990-07-18). "5項資格限制 新聞局昨議定金曲獎評審 遴選從嚴". 民生報. p. 10.
  8. 8.0 8.1 "首屆金曲獎入圍名單揭曉 卅六人十首歌登榜‧飛碟成績最佳". 聯合報. 1989-09-17. p. 8.
  9. "金曲獎棄權 下一屆出局 費玉清葉璦菱報備 保住明年參賽資格". 聯合報. 1989-12-12. p. 32.
  10. 10.0 10.1 "金曲獎決賽 男主持人敲定 七名歌手和兩支合唱組與賽". 聯合報. 1989-12-21. p. 35.
  11. "金曲獎入圍歌手昨競技 誰能奪魁? 頒獎會場見真章". 聯合報. 1989-12-31. p. 32.
  12. "金曲獎入圍歌手 昨在華視錄影存證 得獎名單 下月6日頒獎典禮上揭曉". 民生報. 1989-12-31. p. 10.
  13. "第一屆金曲獎頒獎典禮 主持人選敲定崔苔菁". 民生報. 1989-12-13. p. 10.
  14. 14.0 14.1 "費玉清 葉璦菱 宣布退賽". 民生報. 1989-12-12. p. 10.
  15. "金曲盛會姜育恆小虎隊將"出席"". 民生報. 1989-12-22. p. 10.
  16. 16.0 16.1 "三隻小虎退出 張雨生協調中 金曲獎入圍歌星 6日"應考"". 民生報. 1989-12-15. p. 10.
  17. "金曲晚會再次延期 場地無著好事多磨". 聯合報. 1989-11-05. p. 33.
  18. "金曲獎今天晚上頒獎 得獎歌者即席表演 華視十時轉播". 民生報. 1990-01-06. p. 1.
  19. "門外鷹架交錯 室內別來無恙 封修3年3個月 國父館金曲聲下開門試用". 民生報. 1990-01-07. p. 10.
  20. "第一屆金曲獎頒獎人敲定台北市長吳伯雄插花頒發年度歌曲獎". 聯合報. 1989-12-30. p. 32.
  21. "金曲頒獎典禮今晚登場 多數公司精簡編組參加 王維芳彩排不順拒絕與會". 聯合報. 1990-01-06. p. 32.

出面網頁