第2屆星加坡總統選舉

第2屆星加坡總統選舉喺1999年8月28號舉行。

背景

由於做緊總統嘅王鼎昌唔想繼續做總統，所以冇參選。

選舉委員會宣布，1999年8月18號係提名日，如果嗰日有多過一個人出嚟報名參選，就係喺8月28號舉行選舉投票。

選舉委員會審查咗咁多個候選人嘅報名申請表之後，就頒發合格證書畀巡回大使塞拉潘·納丹，有份報名申請做候選人嘅私人補習老師黃文優同民主進步黨話事人陳樹芬就過唔到關做唔到候選人。

到咗最後得返塞拉潘·納丹一個人能夠做到候選人，由於冇第二個候選人，所以唔使投票直接贏出選舉。

1999年9月1號，塞拉潘·納丹接手做星加坡總統。

候選人	攞到票數
選舉結果
塞拉潘·納丹	冇搞選舉，直接贏出。