第2次澎湖縣開放賭場公投

第2次澎湖開放賭場公投喺2016年10月15號舉行^[1]。

結果呢場公投係輸咗，按規定如果再搞類似公投要等三年之後先可以再提出^[1]。

背景

澎湖響2009年亦搞過開放賭場公投，當時係以十二個百分比差距，即係多咗差唔多四千票而否決^[1]。

而今次係隔咗七年之後再次為澎湖開放賭場而搞嘅公投^[1]。

蔡英文總統同民進黨立法院黨團都講到明話反對開賭，未來亦唔會搞賭場一定有嘅管理條例草案^[1]。

投票響禮拜六（15號）下晝四點結束，就馬上開票箱點票，今次地方公投投票率有四成左右，反對嘅有兩萬六千幾票，大比數多過贊成嘅六千幾票。反對賭聯盟嘅負責人話，票數講到明賭場絕對唔係澎湖人嘅選擇^[1]。

總統府讚今次公投係民主表現，政府有決心推出多項政策嚟發展澎湖^[1]。

支持開賭嘅人就認輸，承諾唔會再提公投^[1]。