第22屆約旦國會選舉

第22屆約旦國會選舉響2016年9月20日號舉行。

第22屆約旦國會選舉
約旦選舉政治專題
‹ 2013 •  • 未定 ›
2016年9月20號
選舉類型				國會
選舉席次				130

呢次選舉改咗用比例代表制，而且冇反對派杯葛，被人睇做民主改革向前邁進一步，但係國民反應冷淡，預料投票率會偏低。

制度

約旦國會選舉，超過四百萬夠十七歲國民都有投票資格，選出百三個國會議員。

過程

有投完票嘅民眾話，投票係盡公民責任，希望選出能夠真正代表自己嘅議員，造福國家同人民。

今屆選舉改咗選舉制度，採用全新嘅類似比例代表制，全國分成廿三個區，選民響所屬區域參選名單到揀心水嘅候選人，可以揀多過一個人，全國一共二百二十六張名單，一千二百五十二人參選。制度被睇做幫到多黨政治，反對派亦踴躍參選，包括話選舉制度唔公平，響上兩屆杯葛選舉嘅穆斯林兄弟會屬下政黨伊斯蘭行動陣線。雖然冇政黨杯葛，但係民眾反應冷淡，民意調查話，超過半數嘅受訪者話好可能唔會去投票，所以預料投票率會偏低。民眾唔願投票主要係覺得國會無能，超過八成人認為國會冇能力解決經濟問題、失業、貪污、地區安全之類嘅問題。

分析

有評論話新選舉制度，係約旦民主改革又向前邁進一步，但亦有分析話，選舉改革表面上增強咗政黨力量，但實際上仍然對傳統部落勢力有利，屬於政黨嘅名單只係佔咗百分之六，屬於部落勢力嘅有百分之四十三，顯示改革力度仍然唔夠。