2016年澳洲聯邦選舉

2016年澳洲聯邦選舉喺2016年7月2號舉行^[1]^[2]。

今次咁罕有噉雙重解散兩院國會係相隔咗成廿九年先發生，因為執政自由黨早前提出嘅法案成日被在野工黨控制嘅參議院到否決，所以決定提前舉行大選^[3]。

背景

茂琴·譚保響國會宣布星期一（2016年5月9號）解散國會，而且定響7月2號舉行大選，為期唔到兩個月嘅選舉工程就即刻展開^[1]。

茂琴·譚保話，今次選舉入面國民面對嘅選擇非常清晰，一係就維持現狀，選擇由佢帶領、主張維持經濟增長同增加就業職位嘅自由黨；又或者選擇佢地嘅對手、主張徵重稅嘅工黨，令國家重新返到高洗費、負債同赤字嘅道路^[1]。

而其實自由黨響2013年再度執政嗰時，茂琴·譚保就響舊年九月成功迫宮，取代阿博特繼續執政^[1]。

而在野工黨領袖隨即公布選舉計劃，佢數富豪特恩布爾同民眾離地，矢言工黨會令到澳洲變得更加公平^[1]。

今次選舉嘅議題包括氣候變化、同性婚姻同樓價攀升等問題，自由黨同工黨響呢幾方面嘅政策一定會影響到選票^[1]。

雖然茂琴·譚保民望曾經一度高企，但係近期嘅民意調查就話兩黨嘅支持度其實係不相伯仲^[1]。

澳洲大選點票工作響10號重未搞掂，但係在野工黨已經認輸；而當地傳媒報道執政聯盟暫時攞到七十四席，工黨六十六席，重有五席唔知花落誰家^[4]。

工黨黨魁肖頓話，今次係澳洲五十年來最長嘅一次選舉，雖然點票工作重做緊，但係由茂琴·譚保領導嘅執政聯盟已經響今次選舉入面，攞到足夠票數畀佢繼續執政。並已經打電話茂琴·譚保畀祝賀佢贏出選舉^[4]。

肖頓話未知茂琴·譚保組成嘅政府會唔會係大多數政府，但佢承諾會同新政府合作^[4]。

外界預期即使畀特恩布爾組成大多數政府，但係將來響國會推動法案通過嗰時，重係要同爭取獨立嘅國會議員攞到支持，令到執政聯盟缺乏長期嘅執政能力，澳洲有可能響短期之內重新舉行大選^[4]。