第6屆越南國家主席選舉

第6屆越南國家主席選舉響2016年4月2號舉行。

‹ 2011 • 越南 • 2021
2016年4月2號
選舉類型 國家主席

選舉統計
選民人數 500
總投票數 483
  
91%  

陳大光越南共產黨
投票數 452 
  
91.50%


越南社會主義共和國主席

2016年4月2號,越南第13屆國會第11次會議喺首都河內召開全體會議,投票選出陳大光做越南國家主席[1]。越共總書記阮富仲隨後致上祝賀。

制度 編輯

呢次選舉喺越南首都河內國會舉行,五百個國會議員以間選嚟選出越南社會主義共和國主席一職。國家主席係越南名義上嘅國家元首,憲法規定係軍隊最高指揮官,不過由於越南共產黨一黨執政,越共總書記地位同權力都喺國家主席之上,而且直接領導越共中央軍委,掌握實際嘅軍權,所以總書記先係黨同國家最高領導人

背景 編輯

2016年3月21號,越南第13屆國會第11次會議喺首都河內開幕,估計喺4月12號閉幕。呢次會議重點會講國家話事人同主要官員,以做到越南共產黨第12次全國代表大會嘅決議[1]

2016年3月31號,越南國會根據越共決議,將已經卸任政治局委員嘅張晉創拉落馬,之後就開始傾國家主席候選人方案;冇耐就提名越南共產黨第12屆中央政治局排名第二嘅委員、公安部部長陳大光做唯一候選人[1]。   

候選人 編輯

唯一候選人嘅陳大光,1956年喺越南北部寧平省出世,有教授同博士學位。佢喺2006年越共10大先入到越共中央委員會,2011年入到越共11大越共中央政治局,喺同一年贏出國會選舉入到越南第13屆國會。陳大光之前喺越南長期做內務部和公安部嘅嘢,2011年開始做公安部部長[1]。2016年越共十二大再次連任政治局委員,排名升到第二,僅次於作為黨同國家最高領導人嘅越共總書記阮富仲

結果 編輯

2016年4月2號,有483個議員出席國會,唯一候選人嘅陳大光攞到452個議員讚成票、29票反對、兩張廢票[1]

編輯