第69屆西班牙國會選舉

第69屆西班牙國會選舉喺2016年6月26號舉行。

第69屆西班牙國會選舉
西班牙選舉政治專題
‹ 2015 •  • 未定 ›
2016年6月26號
選舉類型				眾議院、參議院
議席數目				眾議院：350席 參議院：266席
選舉席次				眾議院：350席 （過半數要：176席） 參議院：208席
選舉統計
人口總數						46,524,943
選民人數						36,518,100
總投票數						24,161,083
‎總投票百分比
							69.84% ▲ 0.14%
			拉霍伊－人民黨
			投票數				7,906,185
			獲得參議院議席						130 ▲ 4.8%
			獲得眾議院議席						137 ▲ 14
									33.03%
			桑切斯－社會黨
			投票數				5,400,253
			獲得參議院議席						43 ▼ 8.5%
			獲得眾議院議席						85 ▼ 5
									22.67%
			巴勃羅－聯合我們可以聯盟
			投票數				3,187,801
			獲得參議院議席						8 ▼ 11.1%
			獲得眾議院議席						45 ▲ 3
									13.37%
			里維拉－公民黨
			投票數				3,111,798
			獲得參議院議席						0
			獲得眾議院議席						32 ▼ 8
									13.04%
			魯菲安－加泰隆尼亞左翼黨
			投票數				629,294
			獲得參議院議席						6 ▬ 0%
			獲得眾議院議席						9 ▬ 0
									2.39%
			霍姆斯－加泰隆尼亞民主聯盟
			投票數				567,253
			獲得參議院議席						6
			獲得眾議院議席						8
									2.25%
投票分析圖
人民黨      聯合我們可以聯盟						社會黨      加泰隆尼亞左翼黨
西班牙總理
選前 拉霍伊 人民黨						選後 拉霍伊 人民黨

西班牙半年之內舉行嘅第二次選舉，結果係由臨時首相拉霍伊領導嘅執政人民黨再次攞到多數議席，但係仍然唔過半，各個政黨之間要互相談判睇吓可唔可以籌組到聯合政府。

背景

西班牙係舊年十二月選舉之後，一直籌組唔到聯合政府，所以國王菲臘六世早前宣布重新舉行選舉。

候選人

人民黨

帶領人民黨嘅暫代首相拉霍伊出席競選活動就話，英國「脫歐」之後，西班牙更加需要一個強而有力嘅政府嚟維護國家利益，強調人民黨係唯一能夠畀到穩定嘅政黨。

民意調查

人民黨

民意調查話，人民黨又會贏出。但係依然攞唔到過半數議席，要同其他黨派籌組聯合政府，可能又會再次陷入政治困局。

聯合我們可以聯盟

至於「我們可以黨」同「聯合左翼黨」組成嘅左翼聯盟，預料攞到票數會超越工人社會黨。

公民黨

而公民黨就會繼續排第四。

競選活動

西班牙星期日（26號）再次舉行大選，各政黨係選前最後一次拉票。

結果

人民黨再次響選舉入面贏出，拉霍伊話人民黨再次成為第一大黨而且攞到執政權。人民黨呢次攞到一百三十七席，雖然比半年前嘅選舉攞多十四席，但係仍然攞唔到過半議席，唔可以單獨執政。而人民黨嘅傳統盟友，排第四嘅公民黨，呢次就攞到三十二席，雖然公民黨表示已經準備好同人民黨傾籌組政府嘅嘢，但係兩個黨加埋都唔夠半數，估計組閣難度同半年前一樣大。

後續

人民黨

人民黨自從上次選舉開始，就一直打安全牌，希望選民響經濟打擊嘅恐慌下，重新支持曾經帶領國家走出經濟危機嘅人民黨。而人民黨雖然響呢次選舉贏出，但係西班牙嘅政治僵局依然未有解決，拉霍伊之前話，希望人民黨響呢次選舉嘅表現，能夠說服其他黨派同人民黨合組聯合政府，但係如果未來幾個月各黨派嘅談判依然唔掂，西班牙就可能又要搞第三次選舉。

社會黨

社會黨攞到議席雖然都輕微減少，由上次嘅九十席縮水到八十五席，但黨魁桑切斯對佢哋攞到席數比「我們可以黨」多，能夠保住左翼第一大黨嘅稱號感到開心。

聯合我們可以聯盟

曾經自稱唯一有機會打底人民黨嘅「我們可以黨」，黨魁響初步結果公佈之後就舉行集會，承認呢次選舉做得唔夠好。之前有分析預期，呢個近年出名為首嘅政黨「我們可以黨」聯盟，攞到議席估計可以超越傳統左翼社會黨，成為全國第二大黨，但最後事與願違，只能夠保住上次選舉嘅七十一席。

分析

由於呢次選舉日子響英國脫離歐盟公投之後，全球經濟大幅震盪，英鎊大跌，亦令到一直以嚟非常依賴英國遊客嘅西班牙，旅遊業受到衝擊。分析認為，響唔明朗前景之下，西班牙選民可能會更著重國家經濟安定，所以投票偏向保守。