等離子醫學

等離子醫學結合等離子物理學，生命科學同臨床病學嘅新興嘅研究領域。加下用喺消毒，治療同癌症嘅研究。大多數研究喺試管實驗同動物模型進行。

放射等離子源通常係「低溫」同埋一個大氣壓力之下操作，「低溫」喺呢度即係同室溫差唔多，以 50 °C 為上限以防止燒傷，等離子之中有百萬分之一帶電，其餘嘅係中性氣體。放射等離子兩個方法：無聲放電（Dielectric-barrier discharges，DBD）或者大氣壓等離子體噴射流（Atmospheric pressure plasma jets，APPJs)。

DBD 醫學儀器兩支電極，一支用係喺傷患處，另一極用介電質物料（如氧化鋁或石英）接駁人體之上。 目前 DBD 醫療研究用喺整死細菌、醫皮膚病、傷口、同埋腫瘤，仲有皮膚表面消毒。

APPJs 用噴射氣流，將帶電嘅等離子，送到去患處或樣本上面。噴射氣流實驗設計有好多款式。一般用氦氣或氬氣，有時加少少（低過 5%）氧氣、氫氣、氮氣。稀有氣體嘅氣流，一方面將活性氫原子同氧氮分子送出，另一方面隔開室內空氣。