簽賬咭（粵拼：cim1 zoeng3 kaak1；英文：Charge card）係信用咭一種。同一般嘅信用咭相似係，簽賬咭俾持咭人買嘢嗰陣碌，發咭方會俾錢，持咭人要定時定候找咭數，如果唔係就要罰錢或者有第啲懲罰。
同一般信用咭最唔同嘅係，簽賬咭冇限住「持咭人可以使幾多錢」，所以通常淨係會發俾信用評分好（根據過往紀錄不嬲都準時找到咭數）嘅客[1]。
