維基百科

米侯·奧希堅

(由米侯・奧希堅跳轉過嚟)

米侯·奧希堅（或者按英文譯成米高·希堅斯）（愛爾蘭蓋爾文：Micheál D. Ó hUigínn；英文：Michael Daniel Higgins），1941年4月18號—）係愛爾蘭詩人、社會學家同政治人。之前係工黨籍愛爾蘭議會下議院加列維西選區議員。

米侯·奧希堅
姓名原文Michael D. Higgins、Mícheál D. Ó hUigínn、Mícheál D. Ó hUigínn
出生日1941年4月18號 喺Wikidata改呢個 （83歲）
出生地Limerick 喺Wikidata改呢個
本名Michael Daniel Higgins
國籍愛爾蘭共和國 喺Wikidata改呢個
識嘅語言英文、愛爾蘭蓋爾文、西班牙文 喺Wikidata改呢個
信奉天主敎 喺Wikidata改呢個
母校University of Galway、Indiana University Bloomington、曼徹斯特大學、印第安納大學、St. Flannan's College 喺Wikidata改呢個
職業政治人、詩人、作家、政治學家 喺Wikidata改呢個
政黨Labour Party、Fianna Fáil 喺Wikidata改呢個
配偶Sabina Higgins 喺Wikidata改呢個
網站president.ie
米侯·奧希堅

政治生涯

編輯

2011年10月27號，米侯·奧希堅當選愛爾蘭共和國第9任總統，同年11月11號履新，發表就職演講，同時辭去下議院職務。上任總統之後無耐，奧希堅就寫信畀公共開支及改革部，要求將自己嘅人工由每年32萬5千歐元降到去25萬歐元左右[1][2]。

2011年11月13號，奧希堅去北愛爾蘭嘅德里市出席全島學校合唱團大賽總決賽。伊個係佢第一次訪問北愛爾蘭[3][4][5]。

2011年12月，奧希堅喺總統府舉行小朋友茶會，俾小朋友同聖誕老人玩[6]。12月13號，奧希堅入咗加列維善助醫院（Bon Secours Hospital），接受膝頭䯊修復手術[7]。

2012年2月21號，奧希堅第一次以總統身份外訪倫敦[8]，參觀倫敦奧運球場，又去列陶頓戲院（Lyttelton Theatre）睇戲[9][10]。2月24號，奧希堅返到母校愛爾蘭國立大學加列維分校，為母校嘅自閉症中心剪彩[11]。

2013年3月16號，奧希堅發起「總統呼喚」行動（Gloach — The President's Call），邀請全球各地嘅愛爾蘭裔藝術家去總統府表演，由此推動愛爾蘭創意產業[12]。

2013年7月29號，奧希堅召開任內第一次國務會議，討論《懷孕期間生命保護法案》（An tAcht um Chosaint na Beatha le linn Toirchis 2013）嘅相關事宜。[13][14]。

2013年11月16號，愛爾蘭總統府宣佈：奧希堅總統將會喺2014年4月對英國進行國事訪問。佢會出席英國女王伊麗莎白二世嘅國宴，重會同英國首相甘民樂正式會晤，另外重會同反對黨領袖同埋倫敦市長費安娜·胡夫（Fiona Woolf）會面。

屋企

編輯

米侯·奧希堅個老婆係演員薩碧娜·哥彥（Sabina Coyne）。薩碧娜喺加列維郡古盧恩蘭（Cluain Ráin）長大[15]，有四個姊妹同兩個兄弟[16]。奧希堅同薩碧娜係喺1969年，喺一個記者瑪麗·堅尼（Mary Kenny）嘅派對上面識嘅[16][17][18]。奧希堅喺1973年聖誕節向薩碧娜求咗婚，第二年佢等就結咗婚。

佢地有三仔一女：愛麗絲·瑪麗·奧希堅、莊·奧希堅、小米高·奧希堅同丹尼爾·奧希堅[17]。

參考

編輯
  1. ↑ "President Michael D Higgins requests his salary cut to $336,755". Irish Central. 18 November 2011.
  2. ↑ "President Higgins asks for 23.5% pay cut". BreakingNews.ie. 17 November 2011.
  3. ↑ "Derry to host Michael D Higgins first offical [sic] visit to the north". Highland Radio. 8 November 2011. 喺8 November 2011搵到.
  4. ↑ de Bréadún, Deaglán (8 November 2011). "Cabinet to approve official visit to North". The Irish Times. 喺8 November 2011搵到.
  5. ↑ "New Irish president Higgins' first NI visit". BBC News. 8 November 2011. 喺8 November 2011搵到.
  6. ↑ "President hails peacekeepers' courage". RTÉ News. 12 December 2011. 喺12 December 2011搵到.
  7. ↑ "Michael D Higgins to undergo knee surgery". RTÉ News. 11 December 2011. 喺11 December 2011搵到.
  8. ↑ "President Higgins to make official London trip". RTÉ News. 9 February 2012. 喺9 February 2012搵到.
  9. ↑ "President Higgins tours Olympic site". RTÉ News. 22 February 2012. 喺22 February 2012搵到.
  10. ↑ "Irish President Michael D Higgins visits London". BBC News. 21 February 2012. 喺21 February 2012搵到.
  11. ↑ "President Higgins to open NUIG autism centre". RTÉ News. 24 February 2012. 喺24 February 2012搵到.
  12. ↑ Glaoch — The President's Call
  13. ↑ McGee, Harry (24 July 2013). "Higgins to consult Council of State on abortion Bill". 喺24 July 2013搵到.
  14. ↑ "President Higgins to convene meeting of Council of State to consult on abortion legislation". 24 July 2013. 喺24 July 2013搵到.
  15. ↑ "Mayo well represented at presidential inauguration". The Western People. 喺16 November 2011搵到.{{cite web}}: CS1 maint: url-status (link)
  16. ↑ 16.0 16.1 "Christmas at the Áras". TV3. 喺21 December 2011搵到.{{cite web}}: CS1 maint: url-status (link)
  17. ↑ 17.0 17.1 Boland, Rosita (5 November 2011). "New lady of the Áras". The Irish Times. 喺5 November 2011搵到.
  18. ↑ Kenny, Mary (31 October 2011). "I have earned my footnote in history". Irish Independent. 喺31 October 2011搵到.

出面網頁

編輯

出面網頁

編輯
 
維基同享有多媒體嘅嘢：
米侯·奧希堅
由「https://zh-yue.wikipedia.org/w/index.php?title=米侯·奧希堅&oldid=2075355」收