約伯記

《約伯記》係《舊約聖經》嘅詩歌智慧書，亦係成本《聖經》最古老嘅書卷，約伯呢個名嘅含義係「仇視嘅對象」。

簡介

作者：以利戶
日期：公元前1500年
地點：烏斯

約百記寫一個好人遭遇種種大災難，喪失所有仔女同財產，身上又患令人厭惡嘅病。喺三篇詩體嘅對話裏面，作者描述約百嘅朋友同約百自己對呢一連串災難嘅反應。最後，上帝親自向約百講話。關於上帝點樣對待人類嘅問題係呢卷書討論嘅主題。

約百嘅朋友用傳統嘅宗教觀點來解釋約百嘅災難，認為上帝賞善罰惡，約百遭受災難，毫無欵問係佢犯咗罪。不過約百唔接受呢種解釋，唔承認自己應受咁殘酷嘅懲罰，因為佢係一個良善正直嘅人。佢唔明白上帝為乜畀咁多災難落喺好似佢噉嘅人身上，佢大膽質問上帝。不過約百冇失去信心，佢渴望能夠喺上帝面前稱義，重新享受義人嘅光榮。

上帝冇回答約百嘅間題，不過對佢嘅信心，就用滿有詩意嘅話來表示自己神聖嘅權力同智慧。約百終於謙虛承認上帝嘅智慧同大能，深深後悔自己曾經對上帝講咗任性激烈嘅話。

呢卷書嘅結尾記述約百恢復從前嘅景況，甚至比從前更加昌盛。上帝譴責約百嘅朋友唔領悟約百遭受苦難嘅意義。惟有約百深深了解上帝遠比一般傳統宗教所描述嘅更為偉大。

提要

1. 序言（1章1節-2章13節）
2. 約百同佢嘅朋友（3章1節-31章40節）
   1. 約百嘅埋怨（3章1-26節）
   2. 第一對話（4章1節-14章22節）
   3. 第二對話（15章1節-21章34節）
   4. 第三對話（22章1節-27章33節）
   5. 歌頌智慧（28章1-28節）
   6. 約百最後嘅話（29章1節-31章40節）
3. 以利戶嘅話（32章1節-37章24節）
4. 耶和華答約百（38章1節-42章6節）
5. 結尾（42章7-17節）