紅衫軍 (泰國)

泰國紅衫軍，又叫反獨裁民主聯盟（National United Front of Democracy Against Dictatorship 或者 UDD）、泰國反獨裁民主聯盟、或者泰國反獨聯（泰文縮寫：น.ป.ก.、讀音：「攞波拖」），係反對泰國人民民主聯盟嘅組織。由於佢哋示威遊行係着紅色制服，所以俗稱紅衫軍。而家領袖係維拉（Veera Musikhapong）。

泰國紅衫軍

成員自稱反獨裁、民主人士，係由支持前泰國總理丘達新嘅勢力組成。丘達新原本係經合法途徑上台嘅總理，之後被軍事政變推翻，流亡海外。

紅衫軍嚮2010年3月中開始搞示威，期間曾經有人倒人血、念經。紅衫軍認為而家嘅泰國政府係政變上台，並唔合法，所以希望總理解散國會，重新舉行大選，但紅衫軍示威咗一個月之後嚮2010年4月被泰國軍隊武力鎮壓，造成眾多人死傷。示威去到同年5月泰國軍隊清場先至完。

2011年紅衫軍支持嘅為泰黨擊敗民主黨成為泰國執政黨之後，賠償紅衫軍喺2010年示威嘅人命損失，重諗住控告民主黨正副主席殺人罪。