「風箏」跳轉到呢度。有關其他用法,請睇「風箏 (搞清楚)」。

紙鷂粵拼zi2 jiu6*2),又叫風箏,係種玩具,可以借助力響天空飛。紙鷂係種比空氣重嘅,能夠借助力喺空中漂浮嘅制品。晚唐,啲人喺紙鳶上加哨子,其鳴如箏似琴,故稱「風箏」或「風琴」。

紙鷂

起源同發展 編輯

 
「龍形紙鷂」,主要以龍頭蜈蚣紙鷂為主,亦係濰坊紙鷂嘅一大特色。
 
 

紙鷂起源喺中國,中國紙鷂有悠久嘅歷史。最早嘅紙鷂並唔係用紙整,而係用木整嘅。傳説中第一個紙鷂係「魯班」製作,稱爲「木鳶」《渚宮舊事》記載魯班「嘗為木鳶,乘之以窺宋城」。而以《呂氏春秋·愛類》記載「公輸般為高雲梯,欲以攻宋。墨子聞之,自魯往,裂裳裹足,日夜不休,十日十夜而至於郢,見荊王曰:『臣北方之鄙人也,聞大王將攻宋,信有之乎?』」講明魯班當時造嘅係「高雲梯」而唔係木鳶[1]

韓非子》記載中木鳶嘅發明人唔係魯班而係墨子墨翟墨翟(公元前478-392年),係春秋戰國時嘅哲人,諸子百家墨家嘅代表人物。《韓非子·外儲說》記載墨翟曾「費時三年,以木制木鳶,飛升天空」。墨子喺魯山(今山東濰坊境內),「為木鳶,三年而成,蜚一日而敗」[2]。意思係話墨子曾就研究試製咗三年,用木板製成咗一隻木鳥,將佢放飛並令佢成功飛起,但只飛咗一日就壞咗。墨子製造嘅「木鳶」(或「木鷂」)就係世界上最早嘅紙鷂,距今已有二千四百幾年。另《康熙字典》中釋義嘅木鳶發明者亦係「墨翟」[3]。而《墨子》中記載魯班發明嘅「木鵲」比墨子嘅「木鳶」更加精巧:「公輸子削竹木以為鵲,成而飛之,三日不下」[4]。後東漢蔡倫發明造紙術之後,先開始出現紙做嘅紙鷂,叫做「紙鳶」。

據講漢朝大將韓信曾利用紙鷂進行測量。梁武帝時曾利用紙鷂傳,但未成功。[5]南北朝有人背住紙鷂喺高處跳下而無跌死。唐朝張丕被圍困時曾利用紙鷂傳信求救兵,書有「三日不解,臨名士且為悅食」之言[6],取得咗成功。從唐朝開始,紙鷂逐漸變成玩具。到咗晚唐,紙鷂上已有用絲條或竹笛做成嘅響器,風吹聲鳴,因而有咗「風箏」嘅名[7]。亦有人話「風箏」呢個名起源於五代,由李鄴用紙糊風箏,並喺佢上面裝竹笛開始。

清朝道光年間,郭麟吟清明嘅一首竹枝詞描繪道:「一百四日小寒食,冶遊爭上白浪河,紙鳶兒子鞦韆女,亂比新來春燕多。」鄭板橋有詩曰:「紙花如雪滿天飛,嬌女鞦韆打四圍,飛彩羅裙風擺動,好將蝴蝶斗春歸。」,紙鷂藝術亦達到鼎盛階段。

分類 編輯

中國傳統嘅紙鷂一般分為以下三大類:

軟翅紙鷂:主體骨架多數做成浮雕式,骨架有單層、雙層同多層,升力片(翼)由一條主翼條構成,翼嘅後半部係軟性嘅,無主條依附。

硬翅紙鷂骨架由上下兩條竹條做成,兩側邊緣高,中間略凹,翅嘅端部向後傾,令風能喺兩翼嘅端部逸出。

板子紙鷂:即平面型紙鷂,升力片係主體,無凸出部分,紙鷂四邊有竹條文撐,係少年細路最鍾意嘅一種。

其他主要類型還包括串子類立體類桶行形類自由類(佢特點係運用現代新技術同外國紙鷂之長)等。

產地 編輯

開封、北京、天津、濰坊南通陽江並稱中國六大傳統風箏產地,而全國最大嘅風箏製造地喺山東濰坊,被稱為「世界風箏之都」。

整紙鷂嘅材料同方法 編輯

普通紙鷂嘅做法一般係採用竹子做骨架,做肉,其他復合材料包括絲絹尼龍布塑料膜竹篾紗紙條馬拉紙等。

絲絹係一般傳統紙鷂嘅製作材料,著色鮮艷亮麗,更能體現中國紙鷂嘅魅力;但係紙易爛,絲絹貴,而現代科學嘅產物——尼龍布同塑料膜,成為製造紙鷂嘅新材料。

竹子係製作紙鷂骨架嘅主要材料,可選取壁厚3-5厘米嘅竹子削成竹片,利用竹片嘅韌性做紙鷂嘅骨架。紙鷂嘅骨架可根據個人愛好來編制,如蜻蜓狀、蝴蝶狀等。

紙係蒙糊紙鷂嘅主要材料,以質薄纖維長而均勻,富有韌性,耐濕耐衝擊,色澤白而潔者為佳。將紙糊喺骨架上,再綁上線,紙鷂就做好咗。

做好之後亦可以喺做好嘅紙鷂上油上鍾意嘅顏色,鑲上花邊,或者綁上絲帶,掛上紙環。但唔可以影響紙鷂喺空中嘅飛翔,因為附件太多會令紙鷂嘅飛翔失衡。

意義同貢獻 編輯

從當今社會生活嘅角度來講,隨住人類社會文明同科技嘅進步,啲人為咗擺脫城市喧囂嘅環境,試圖尋找一種借助自然、文體結合並有益於身心健康嘅活動,而放紙鷂恰好滿足咗啲人嘅呢種需求。

而從世界嘅角度來分析,從公元十三世紀意大利旅行家馬可·波羅將風箏傳入歐洲,始傳世界各地到至今,放紙鷂活動,喺某種程度上促進咗各國之間嘅文化交流,加強咗世界各國人民之間嘅友誼,喺發展經濟旅游事業中發揮住重要作用,可以講,紙鷂嘅發明係具有重大意義嘅

參考 編輯

  1. 見《呂氏春秋·愛類·五曰·二》
  2. 見《韓非子·外儲說左上·十一》
  3. 見《康熙字典》“鳶”字釋義
  4. 見《墨子·卷十三·魯問·二十一》
  5. 見《獨異志》卷中,原文:「梁武帝大清三年,侯景反,圍臺城,遠近不通。簡文同太子大器為計,縛鳶飛空,告急於外。侯景謀臣謂景曰:『此必厭勝術,不然即事達人。』令左右射之。同墮,皆化為禽鳥飛去,不知所在。」
  6. 見《新唐書列傳第135藩鎮魏博,原文:「悅自將兵數萬繼進,又使朝光攻臨洺將張伾。伾固守,食且盡,……有詔河東馬燧、河陽李芃同昭義軍救伾。三節度次狗、明二山間,未進。伾急,以紙為風鳶,高百餘丈,過悅營上,悅使善射者射之,不能同。燧營噪迎之,得書言『三日不解,臨洺士且為悅食。』……」
  7. (唐)高承《事物紀原》:「紙鳶其制不一,上可懸燈,又以竹為弦,吹之有聲如箏,故又曰風箏」