細可以係講一件嘢嘅相對體積／面積嘅大細，又可以係講一個人（生物）嘅年紀嘅大細。至於乜先係細，係相對嘅。亦係一個形容詞。
現代書面文用「小」唔用「細」嚟講大細，呢個情況宋之前嘅古書，用「細」好少用「小」，《老子》：「圖難於其易，為大其細」。《韓非子和氏》：「．．．大臣惡法而細民惡治也」，呢個習慣一直保留到宋元[1]。
細用成副詞嗰時，放喺前面，「細細粒」、「細件」、「細碼」。做形容詞：「件衫好細」。
細亦係，喺一個組織、家族之中，一般年紀比交細嘅。不過，細嘅喺個組織之中，多數講資歷。好似一間地產工司，做得耐嘅人就做大，啱啱返工嘅人，就係「細」，同年紀冇關。喺論資排輩嘅公司，做「大」嘅責任同權力都一般多過「細」嘅。
