綠里奇蹟 (小說)
《綠色奇蹟》（英文：The Green Mile）係由美國小說家史提芬京所創作嘅一系列小說，原書分為六部，每月推出一本，結果當時六部作品都佔據咗《紐約時報》十大暢銷榜嘅位置，最後喺1996年出版結合成一本書推出。法蘭·達拉本特將呢本書改編成同名電影，由湯漢斯飾演角色保羅，並喺2000年奧斯卡金像獎獲得4項提名。
內容簡介
編輯1932年，保羅係冷山監獄嘅看守員，佢負責死囚嘅處決事宜，佢需要將囚犯帶到電椅上，途中會經過一段鋪上綠色油漆嘅走廊，因此佢哋都戲稱呢條走廊為綠色末路。一日一位稱為約翰．柯菲嘅黑人，因為判謀殺兩位白人姊妹而判入冷山，當柯菲去到冷山嘅時候，憑姑丈為州長而得到獄吏一職嘅波希對佢加以侮辱，表現出柯菲嘅懦弱同溫馴。保羅對於柯菲殺人感到懷疑，暗中了解事情嘅經過，有一日更見到柯菲以神奇嘅力量醫好自己嘅尿道炎同救返一隻就快死嘅老鼠，深信柯菲係無辜嘅，因此希望放柯菲出監，治療患咗腦癌嘅獄長夫人美琳達。柯菲醫好咗美琳達嘅腦癌，並將痛苦轉移到波希身上，利用波希嘅手，將冷山嘅另一名死囚，謀殺兩名白人孖生姊妹嘅真正兇手威廉射死。雖然監獄所有人都知道柯菲係無辜嘅，結果仍然要將柯菲送上電椅，而柯菲臨死之前重諗緊點解人類可以利用別人嘅愛去加害其他人。
獎
編輯1996年年度史鐸克最佳小說獎