網遊結束營運

網遊結束營運，又嗌關服、停運，係網絡遊戲（唔理係電腦版定手機版）或網頁遊戲入面成日見到嘅現象，即係閂咗遊戲伺服器且停止營運服務。網遊唔理營運幾耐，都會有同玩家講拜拜之時。

喺代理商同某網遊或頁游簽咗約之後，會同開發商傾「營運幾耐」；若果營運時長差唔多期滿，會傾繼唔繼續簽約。屆時雙方要睇網遊家下有幾多人玩同營收狀況、開發商對於呢種網遊嘅將來規劃，或係唔係繼續投入開發動能等情況而做簽約評估。若果網遊確定冇得繼續簽約時，就會宣佈結束營運。

一般嚟講，網遊喺營運期間唔會熄咗伺服器，除非係每個禮拜嘅維護期間。不過有啲網遊因長期營運不善或玩家流失嘅情況，而事先合併或撤銷伺服器，等玩家合流一齊玩。

出現情況

以下情況都可能出現網遊結束營運：

• 遊戲人數出現衰減，直到冇人玩。
• 遊戲原廠商同代理商有拗撬且冇達成共識
• 長期營運狀況冇改善
• 代理商同遊戲原廠商簽約嘅時長已經期滿，且唔再續約。
• 遊戲原廠商同代理商有宣佈結束合作
• 遊戲原廠商或代理商是但一方執笠
• 遊戲原廠商或代理商是但一方爆出大龍鳳且問題未解決
• 遊戲原廠商宣佈嗰款網遊有嚴重問題（例如大量BUG或編程錯誤或侵權）需要解決
• 遊戲原廠商宣佈營運嗰款網遊時，成日做蝕本生意，冇前途。

官方應對同實行措施

一般情況下，網遊確定冇得繼續簽約時，正規同山寨嘅網遊都有唔同嘅計劃。

正規網遊

• 喺停運前1～3個月內會喺官網同社群公開發佈結束營運公告，同時嗌網遊玩家提早做好停運前嘅心理準備。
• 部份網遊會同步停埋網遊商城同埋儲錢服務
• 宣佈咗結束營運後到實際結束營運當日爲止，除咗會將淨低改版啲嘢更新完外，重會將原先用錢買得嘅嘢轉成用遊戲幣嚟買或轉移到其它網遊入面或退費等行爲。
• 網遊營運方宣佈停運後，唔畀玩家註冊新賬號或新開角色嚟玩。
• 結束營運嗰日，遊戲公司會按公告時間閂咗伺服器，有部份網遊會保留玩家3～6個月嘅電磁資料，避免玩家申訴時搵唔到玩家相關遊戲記錄。亦有部份網遊會同時刪晒玩家喺指定網遊入面啲數據。
• 結束營運嗰日，後續冚唪唥網址都會跳轉到結束營運公告頁而避免玩家通過搵嘢鏈到其它頁面時出現HTTP 404錯誤代碼。
• 有部份網遊原廠商喺網遊停運後，經授權批准畀第間廠代理或直接開源伺服端或直接退出當地市場，或者直接提供單機版。

山寨網遊

• 喺停運前唔發佈公告就結束營運或發佈公告後到實際結束營運當日爲止相隔唔夠半個月，令玩家嬲到永遠唔玩佢間公司啲網遊嘅現象。
• 部份網遊喺結束營運前，搞大型促銷活動（例如清倉行動）嚟吸引生意。
• 結束營運之後，原先用錢先至買得嘅嘢唔單止唔退費，相反重唔轉到其它網遊或遊戲幣之用途。
• 網遊營運方收到停運啲事之後，都可以繼續註冊新賬號或新開角色嚟玩。
• 部份網遊喺結束營運前，未經預兆就直接閂咗伺服器，甚至唔理網遊玩家而直接刪晒玩家喺指定網遊入面啲數據。
• 未到結束營運當日，後續冚唪唥網址都會直接HTTP 404甚至無法訪問嘅情況。

玩家常見現象

網遊官方宣佈停止營運後，有啲唔抌錢或抌咗好少錢嘅玩家會喺停止營運前提早退出遊戲或提早刪走遊戲角色數據。而抌咗好多錢啲玩家會睇情況，按網遊官方宣佈嘅措施而申請轉移或退錢，亦有啲玩家會提早賣號或轉號或賣走道具畀第啲人。若果係隸屬公會創辦人或領導玩家（尤其係大公會），會公佈解散公會嘅消息。亦有時出現有線上或線下嘅遊戲告別聚會情況。退出網遊後，有啲玩家會去到其它事業或玩新嘅遊戲；亦有玩家出現求助心理治療或向遊戲方提出檢控嘅事。重有啲遊戲喺官方宣佈結束營運後，創辦私服或離線版。

睇埋

• Game as a service

拎

• Defunct Online Video Games，TV Tropes 有一頁講結束咗營運嘅網上遊戲。