綸生白公祠
| 綸生白公祠 廣達堂 | |
|---|---|
 | |
| 主祀 | 白綸生 |
| 家族信息 | |
| 家族 | 龍潭白氏 |
| 修建史 | |
| 始建 | 1872年 |
| 方位 | |
| 地址 | 廣州市海珠區龍潭村西約西大街22號 |
| 朝向 | 坐東向西 |
| 現時尚存 經已掛牌 | |
| 登錄名 | 綸生白公祠 （含 樂善好施牌坊） |
| 等級 | 廣東省文物保護單位 |
| 分類 | 古建築 |
| 籌 | 4-49 |
| 登錄時間 | 2002年7月 |
建築 編輯
祠堂坐東向西，左右三路，前後四進。中路主體建築有頭門、拜亭、中堂和後堂。兩側係南舍、北舍。祠前面花崗石鋪地。
頭門面闊三間，進深兩間。硬山頂，人字封火山墻，灰塑博古脊。前部樑架、駝峰、斗栱雕將相人物圖案。兩次間有石包臺，上架蝦公樑，樑上面放石獅。明間兩扇木板門，下有木腳門。石門額刻「綸生白公祠」，兩便木門聯「清芳長慶集 遺愛報恩祠」。門前係三級石梯，側邊有抱鼓垂帶。
中堂面闊三間，同拜亭成勾連搭，前邊係拜亭，後面係中堂。樑架都有雕花紋。堂入邊有木雕松鶴、瑞獅花罩。
後堂面闊三間，進深三間，硬山頂，博古正脊，係供白氏祖宗牌位嘅地方，裡面木雕通花橫披。左右路面闊3.8米，高兩層10.5米。
歷史 編輯
白綸生，名經，號進賢，龍潭村人，花名白老二。白綸生創辦悅盛商行發達之後，關心廣州公益事業，多次捐錢，籌建愛育善堂、方便醫院、四廟善堂並重修北山莫氏敦倫堂，又喺龍潭起興仁書院（慶善堂），重成日慷慨解囊，賑濟臨近梓里，因而深受鄉人愛戴（西滘村有為紀念佢而起嘅報恩祠）。兩廣總督李瀚章亦奏請光緒皇帝褒題「樂善好施」，起牌坊嚟表彰。
清同治年間，白綸生出錢將白氏大宗祠附近嘅何氏宗祠遷走，喺何祠原址上面起祠堂。白綸生力求建築精美，使咗廿幾年起祠堂。光緒廿五年（1899年），綸生祠落成慶典喺龍潭村舉行，嗰時，白綸生昇咗仙六年。直到光緒廿六年（1900年），祠堂最後一副對聯先寫好。祠堂落成之後，形成咗從南至北三座白家祠（景山祠、大宗祠、綸生祠）嘅景觀。
攷 編輯
- 《廣州市文物普查彙編·海珠區卷》，ISBN 978-7-80731-659-6
- 《海珠古祠堂》，ISBN 978-7-5548-0235-9