編譯器

編譯器（英文：compiler）係種電腦語言嘅翻譯程式，可以將用某種高階程式語言寫成嘅原始碼（原始語言），轉換成某種比較低階嘅目標語言。

編譯器圖解

目標語言通常係指機械碼，但係編譯器亦都可以將高階語言翻譯成組合語言，或者係另一種高階語言。如果目標語言係組合語言，編譯器可以再用組合器將組合語言轉成機械語言。

譯出來嘅機械語言未必係架電腦會識睇嘅嘢。如果唔識睇有兩個可能。譯出來嘅可能係第架機嘅機械語言，呢種情形下個編譯器叫交叉編譯器（cross compiler）；又或者譯出來嘅可能係一種假想嘅機械語言（例如 Java 嘅情形就通常就係咁），呢個情形下呢種咁機械碼就要再用嗰種假想嘅虛擬機（一種直譯器）再處理先會行得旭（）。