緬甸軍機入侵雲南事件
2015年緬甸軍機侵入雲南事件係指2015年3月緬甸北部內戰入面緬甸空軍戰機多次突然飛入中國邊界係咁揼炸彈。3月13號嘅一次三粒炸彈就揼咗落去雲南省臨滄市耿馬縣孟定鎮河外嘅大水桑樹，搞到中國公民五死八傷[1]。
背景
編輯内文：2015年果敢軍事衝突
2015年2月9號開始，緬甸政府軍就對緬甸北部嘅果敢地區（緬甸撣邦果敢自治區）揮軍北上，緬甸果敢同盟軍就喺克欽獨立軍、德昂民族解放軍之類嘅緬北武裝部隊支持入面開始反攻，冇幾耐戰事就一觸即發。到咗2月17號，緬甸總統吳登盛簽咗總統令，喺果敢地區實施90日嘅緊急狀態，而且用軍隊接收晒當地所有權力。而呢場仗係咁打落去搞到好多緬甸人做咗難民去晒中國雲南省。3月7號雲南省委書記李紀恆話有成六萬人從緬甸去咗中國[2]。
經過
編輯3月8號，緬甸政府軍同緬北武裝衝突嗰時，有流彈飛咗入中國，搞到有屋爛咗，但係冇人受傷。
3月12號，緬甸又有一架軍機飛入中國，揼咗兩枚炸彈之後炒埋機，而殘骸就喺13號下晝四點左右喺薄刀山被人發現。
3月13號16點30分左右，緬軍空軍第四次飛入中國，第三次對中國揼炸彈。有三個炸彈落咗喺雲南省臨滄市耿馬縣孟定鎮河外嘅大水桑樹，死咗三個中國人，好多人受咗傷，其中一個傷者喺醫院因為傷勢嚴重死埋[3]。距離事發地三公里嘅當地中國村民張小姐話事發嗰時當地村民喺度砍緊蔗，「之後我地就聽到緬甸戰鬥機飛過嚟，喺附近爆炸，我哋半個鐘之後去到現場嗰時雲南當地嘅工作人員亦已經去到現場。」「現場殘肢被炸到周圍都係」[4]。
攷
編輯- ↑ （簡體中文）〈緬甸軍機炸彈落入雲南境內搞到五死八傷〉。新浪網。2015-03-15。喺2015-03-15搵到。
- ↑ （簡體中文）〈雲南省委書記：果敢沖突已經有六萬緬甸人入黎中國〉。鳳凰網。2015-03-07。喺2015-03-14搵到。
- ↑ （簡體中文）〈緬甸空軍越境4次投彈3次 遇難者入面兩人繫父子〉。鳳凰網。2015-03-14。喺2015-03-14搵到。
- ↑ （簡體中文）〈目擊邊民：緬甸軍機呼嘯而黎殘肢周圍都係〉。網易。2015-03-14。原著喺2015-03-16歸檔。喺2015-03-14搵到。