纓紅宴係出殯完成脫服之後，同有送先人上山嘅親友一齊食嘅一餐飯。好多時都會寫成同音嘅「英雄宴」，但係其實同「英雄」並冇任何關係。纓紅，其實係「簪花掛紅」（脫白）嘅意思，因為纓係頭髮咁解[1]。傳統上，解穢酒同纓紅宴係有分別嘅，解穢酒屬於白事嘅一部份，而纓紅宴係孝期完結之後，脫服之後先至食嘅，並唔屬於白事[2]。
