羅慶才

羅慶才，香港基督教界別人士，曾經做過香港浸信會聯會會長，直到2021年4月移民英國。

事件

因反對國安法被攻擊同騷擾

2020年，北京未經諮詢或香港人同意，強行訂立《港版國安法》，當時身為香港浸信會聯會會長嘅羅慶才，喺6月29號，透過該會網頁發表文章列出唔少香港人嘅憂慮，擔心《港版國安法》摧毀香港司法制度、法律淪為工具剝奪言論自由，佢又強調唔可以咁樣立法，香港建立民主政制先至長治久安。結果除咗引起宗派內部唔同意見，羅慶才又收到匿名電話搔擾，仲有親中派媒體對佢嘅攻擊。最終該會需要將相關文章下架。

因香港局勢惡化移民

因為香港局勢惡化，佢喺2021年4月離開香港，移民英國。佢向基督教同道發表公開信，話無諗過自己70歲都仲要追逐異地家鄉，原因係因為香港局勢惡化，自由空間收窄，仲有《大公報》嘅攻擊。佢自問有小小做咗逃兵，但希望上帝會按著佢嘅軟弱審判佢。