美國國家安全局
美國國家安全局（英文：National Security Agency，縮寫NSA）係美國規模最大嘅情報機關，響海外嘅活躍度僅次於中央情報局。除咗直屬上級機關美國國防部同埋總統之外，其他部門對佢內部嘅連作一無所知，就連CIA對呢個部門嘅內部連作都係知啲唔知啲，所以佢畀其他部門起咗個花名叫「No Such Agency」（意思即係冇呢個部門）。
| 美國國家安全局 | |
|---|---|
 | |
| 總部 | 美國馬里蘭州米德堡 |
| 成員 | 超過三萬個 |
| 首長 | 保羅·三木·中曾根 |
| 上級 | 美國國防部 |
| 網站 | http://www.nsa.gov |
歷史
編輯國家安全局嘅歷史可以追朔到響1917年成立嘅軍情八處（MI一8），由當時全美國最犀利嘅解碼專家赫伯特·阿德利成立。後嚟響1949年，參謀長聯席會議通過咗國防部嘅提議，由軍隊安全局（Armed Forces Security Agency，AFSA）取代軍情八處，不過當時佢其實冇咩嘢權力。響1951年中情局局長同美國國家安全委員會提議，起一個多方面嘅情報機關，意見畀委員會同意。於是響1952年，委員會出咗一份報告，提議將軍隊安全局轉型同埋擴大佢嘅權力。響同年六月，當時美國總統杜魯門簽咗文件，劃定咗軍隊安全局轉型後嘅權力，仲響同年四月正式成立，叫國家安全局，取代軍隊安全局。
主要工作
編輯國家安全局嘅主要工作除咗係海外情報收集同分析、政治保衛美國政府之外，仲會破解其他國家情報組織嘅密碼，同埋監聽國內外嘅公司、軍隊同外交部，對於美國外交部同美國軍隊嘅內部運作係仲清楚過CIA。此外，佢仲係世界上請最多數學科博士同電腦專家嘅情報組織，解碼能力都係世界一流。