美國海岸防衛隊英文United States Coast Guard,簡稱做USCG)係美軍一支部隊,亦係美國七個紀律部隊其中一個。海岸防衛隊作為海事軍隊,專責處理各類海事執法事宜同埋執行聯邦管制規定,地位好特殊。喺和平時期,部隊受美國國土安全部管轄,如果有需要嘅話美國總統可以下令部隊移交美國海軍指揮,國會亦都有權響打仗嗰陣下達相同命令。