美國英文
(由美式英文跳轉過嚟)
美國英文（英文：American English），又可以叫美式英文，係喺美國度講嘅好多種英文方言嘅總稱。雖然美國法律無規定到官方語言，但係美國英文就係實際上嘅官方語言。
根據1990年人口普查，97%嘅美國居民識得講「好」或者「好好」嘅英文；只有0.8%嘅人完全冇講英文，而1890年有3.6%[未記出處或冇根據]。到2005年，三分之二以上嘅英文母語者講美國英文[未記出處或冇根據]。
語音
編輯一般來講，美國英文係有捲脷音嘅，即係有r啲字喺頭喺尾都有發音，好似car讀[kʰɑɹ]噉，有讀埋個r。相對嚟講，現代英國英文裏面嘅r，如果r喺開音節喺一個母音後面，就唔會讀埋。例如car或者door就唔會讀埋個r。
另外，/ɑː/同/ɒ/係同音嘅，兩者都係讀[ɑ]。例如dollar呢個字，按英式讀法會讀成[ˈdɒlə]，但按美式讀法就會讀成[ˈdɑlɚ]。
/æ/音喺/m，n/之前，佢變成[eə̯]，好似man讀[meə̯n]噉，喺/ŋ/之前，佢變成[eɪ̯]。
/ɪ/音喺弱讀音節嗰陣，讀成[ə]，好似service讀[ˈsɝvəs]噉，但係喺/k，ŋ/之前就讀[ɪ]。
