美蓮大廈

美蓮大廈響澳門半島花地瑪堂區永添街、市場街、永華街、馬場東大馬路同菜園街，係屬於房屋局嘅經濟房屋。

美蓮大廈
澳門公共房屋
所屬堂區						花地瑪堂區
房屋類型						經濟房屋
房屋用途						住宅
總塔樓座數						3
			第2座
			入伙日子			1997年9月5號
			樓齡			27年
			第3座
			入伙日子			1997年9月5號
			樓齡			27年
			第4座
			入伙日子			1997年9月5號
			樓齡			27年
停車場
			美蓮大廈停車場
			詳細資訊一覽 出入口位置：永添街

意外

2016年5月上旬，美蓮大廈第三座十二樓一個單位，懷疑被人縱火；司警接手調查之後，同報案人士了解情況，得知仍住響事發大廈十二樓一個單位，案發晚黑九點零五分搭𨋢返屋企時，目睹兩個神色慌張嘅十幾歲少年，擒擒青搭另一部𨋢走，期間聞到有燒燶嘅味；報案者睇吓發現當時地下有一包紙巾，重有燒燶嘅痕跡，自己門口出面亦有紙皮箱被燒着，即刻報警處理。火警響消防到場之前已經救熄。

2016年5月17號凌晨，司警響街到拉咗兩個涉及呢單縱火案嘅十五歲少年，佢哋分別姓何，初一學生；姓周，報稱響餐廳做嘢。調查期間，少年承認去十樓搵佢朋友之後因為覺得無聊，姓何青年話因貪玩同姓周青年借咗個打火機之後，用打火機燒着走廊嘅紙皮，並唔係同人結怨，但係着火之後覺得好驚，就馬上救熄啲火之後逃離現場。兩個人已經觸犯造成火警、爆炸同埋其他特別危險行為罪名，會被送去檢察院處理。

2018年3月25號朝早九點廿六分，美蓮大廈第三座二樓一個單位火燭。消防局出動多架消防車去到現場，響出邊見到二樓一個單位有煙冒出，消防員出動雲梯車開咗一條喉筆響出邊射水。消防煙帽隊就入火燭嗰層，現場濃煙密佈，成功搵到火燭單位，救出兩個分別係六十三同五十九歲嘅兩公婆屋主，但係女屋主懷疑自己救火嗰陣燒傷右手尾指同無名指，而男屋主就吸咗濃煙唔舒服。同時響火燭嗰層同其他層數協助其他住戶逃生，三十個左右嘅住戶自行疏散到街到。消防員駁喉入去火燭單位，發現其中一間房入邊有嘢燒緊，開喉將火救熄。屋主大約十歲同四歲嘅男外孫響火燭嗰時走佬都吸咗濃煙唔舒服，響白車到接受護理之後要送到醫院。火燭隔離單位嘅一家四口懷疑都係吸咗濃煙唔舒服，六個受傷同唔舒服嘅人由多架白車送到山頂醫院治理，冇咩大事。現場一度有人話火燭單位間房嘅電器又或者插蘇火燭，燒到衣櫃同雜物之類嘅嘢。消防員調查火燭原因，發現火燭間房入邊一個衣櫃同雜物燒到爛嗮，間房同個廳天花燒到黑嗮，經過調查，初步排除係電器又或者係插蘇搞到火燭。最後經過了解，當時只有男女屋主同兩個男外孫響單位到，四歲男外孫自己話曾經響房到玩打火機，消防員懷疑係四歲男仔玩火搞到火燭，通知司警局到場調查。司警接報到場調查，初步相信係四歲男仔玩火機搞到火燭，由於四歲男仔未到刑事歸責年齡，案件交畀調查科跟進。