義伶公園
義伶公園，係原喺廣東廣州嘅一個墓園式公園，位置喺小北登峰路（上）七星崗。呢個設施緣自道光廿五年（1845）陣，啲街坊嘅義葬墓地。呢笪地方同山崗名經已唔係多人知，舊址可能係喺而家麓湖路3號大院一帶嘅山崗。
前世
編輯喺道光廿五年（1845），嗰陣九耀坊學署度有演劇（做大戲），有唔少男女聚埋欣賞，戲棚係蒲葵草葵做頂嘅，唔知點樣一下子火燭起身，風勢助長咗火頭蔓延，觀眾走避陣大亂仲有人踩人，雖然當其時有小武何君奮力相救到幾百人倒，不幸用晒力兼畀火燒衫而離世，而有幾千人喺呢次火燭入邊罹難。九耀坊龍藏街嘅街坊就夾錢安葬啲死者到七星崗，除咗起石坊墓碑，仲搞咗一個義莊，街坊夾好嘅錢銀就交俾墳公所去揸著。日佔時期墳山有俾破壞過。光復後嘅1948年3月，公所士紳、八和協進會同埋廣州市嘅技術主管人員就一齊開會，決定將墳場改造成公園，愛嚟表彰義伶。
原改造佈置
編輯1948年嗰陣係廣州市工務局搞好圖則，分期改造，其中第一期計劃喺門口度起新牌樓，仲計劃起紀念碑同園丁木屋。嗰陣仲保留咗墳場位置，仲預未來整戲台。其他園界同植樹界就劃定好咗，係種好成580幾樖樹，仲等咁由八和協進會籌款，先至繼續搞啲建築設施。呢個計劃最尾未曾施行完。
參考
編輯- 新廣州建設概覽 1949