翠河

  想搵香港連鎖茶餐廳嘅話，請睇翠河餐廳。

翠河（River Verdon）係一隻香港賽馬馬匹，1987年喺愛爾蘭出世，曾經喺1990-91、1991-92同1993-94馬季做咗香港馬王。

佢係香港賽馬歷史上，唯一一匹三冠長途馬王，佢喺1993-1994年度馬季，佢先後贏出董事盃、香港金盃、香港冠軍暨遮打盃，而佢亦創下香港賽駒遠征海外嘅先河，佢喺1992年遠征美國，參加國際一級賽雅靈頓百萬金大賽。1994年，翠河亦遠赴澳洲，角逐覺士盾同埋墨爾本盃。在港出賽38次，取得16冠5亞2季佳績，贏得總獎金接近二千萬港紙，唔止係許怡馬房嘅一代鎮倉寶，亦係張奧偉、夏佳理在港名下賽駒當中，成就最高嘅一匹。

2005年6月18號，翠河喺澳洲墨爾本嘅Carbine Thoroughbred Stud Farm去世，佢嘅標本喺2006年12月2號至12月26號期間，擺喺沙田馬場會員席展覽，隨後更被永久安放喺香港賽馬博物館。