耍盲雞，集體遊戲一種。一人做鬼捉人，要扮盲，其他畀人要唔畀鬼促，必要時擾亂鬼。世界各地都有人玩，亦相當古老。
首先揀大啲地方，有得走動，但唔可離開範圍。一人做捉，捉嘅人要矇眼，多數布矇又或者用眼罩，等佢睇唔到嘢。而其他人走避，唔好捉到，捉嘅聽聲去捉其他人，而其他人亦可以整啲聲擾亂佢，等佢撲空。畀人捉到，就輪到佢做捉。
有其他變化，好似畀人捉到就離場，直到捉晒為止。又或者，捉到人要講出佢乜名先算數。
《鹿鼎記》有一幕韋小寶同佢七個老婆大被同眠，嚮床上面一齊玩耍盲雞。
