耒耜經
《耒耜經》係唐朝陸龜蒙所寫嘅一本有關古代農具嘅農學著作，係中國歷史上第一本專門講農具嘅古代農書。《耒耜經》全本書只有633字，記載咗唐朝末期江南地區嘅農具同埋水田農業嘅四種農業生產工具[1][2]，包括犁、爬（粵語：耙）、礰礋（讀音：lik6 zaak6）、碌碡（讀音：luk1 duk6）總共四種農具，描述佢哋嘅構造同埋用途，唔止方便其他人仿制，亦都可以俾後世研究同埋進一步改良[3]。
《耒耜經》有多種版本流傳於世[4]。
《耒耜經》一開頭，先解釋「耒耜」嘅意思：
耒耜者，古聖人之作也。自乃粒以來至於今，生民賴之，有天下國家者，去此無有也。飽食安坐，曾不求命稱之義，非揚子所謂如禽者耶？余在田野間，一日呼耕甿，就而數其目，恍若登農皇之庭，受播種之法。淳風泠泠，聳竪毛髮，然後知聖人之旨趣，朴乎其深哉！孔子謂「吾不如老農」，信也。因書為《耒耜經》，以備遺忘，且無愧於食。[5]
《耒耜經》話：「經曰：耒耜，農書之言也。民之習，通謂之犁」，意思係「耒耜」係農書嗰度用嘅「學名」，通常啲人叫「耒耜」做「犁」。
参考
編輯- ↑ 〈陸龜蒙簡介_的詩_生平_介紹_詩詞_中華古詩文古書籍網〉。www.arteducation.com.tw。喺2024-09-02搵到。
- ↑ 〈陸龜蒙辭賦研究__臺灣博碩士論文知識加值系統〉。ndltd.ncl.edu.tw。喺2024-09-02搵到。
- ↑ 〈【德行如風】以學識嘉惠世人的陸龜蒙〉。www.ht.org.tw。喺2024-09-02搵到。
- ↑ 曾美桂著 成都：电子科技大学出版社 2014 第154页。〈《陆龟蒙研究》〉。
- ↑ 〈耒耜經 - 維基文庫，自由的圖書館〉。zh.wikisource.org (繁體中文)。喺2024-09-02搵到。