耶律辨才
耶律辨才（1171年—1237年），遼太祖大仔遼義宗耶律倍嘅八世孫，金朝政治人。
耶律辨才阿爸耶律履喺金章宗明昌初年拜尚書右丞；二弟耶律善才使到都水監使；三弟耶律楚材係元朝中書令。耶律辨才十七歲嗰年（1188年）以門弟資格去考護衛，喺七百幾名校射者中得第三。泰和年中，跟從金兵南征，攻取三關，以十一騎輕身入光州。當時南宋已復三關，耶律辨才再奪門而出，身帶十三道創傷，因立功授冀州錄事判官，轉曹州司候。
宣宗朝嘉許佢嘅功勞，授順天軍節度副使。貞祐二年（1214年）宣宗南渡，耶律辨才同善才當護衛，辨才奏充孟津提控。興定中，選授京兆府兵馬使、靜難軍節度副使，左降河中府判官。又再知睢州軍州事，兼歸德府推官。歷官中京兵馬副都指揮使。皇帝曾經召見辨才，問佢軍政利害，佢表示當時將相好多都唔稱職，佢因此得罪當時權貴，出為許州兵馬鈴轄，召授武廟署令。
金正大九年（1232年）正月，汴京被圍，耶律辨才、善才兩兄弟當時喺汴京，楚材奉召索回兩人北歸。耶律辨才歸真定，喺南宋嘉熙元年（1237年）病死。
參考
編輯- 元好問《奉國上將軍武廟署令耶律公墓誌銘》
- 王國維《耶律文正公年譜》