猶大·達太

  提示：呢篇文講嘅唔係加略人猶大。

猶大·達太（粵拼：jau4 daai6 daat6 taai3；希臘文：Ιουδας Θαδδαῖος，拉丁轉寫：Ioudas Thaddaíos；拉丁文：Judas Thaddaeus），又叫猶達·利貝烏jau4 daat6 lei6 bui3 wu1（拉丁文：Judas Lebbaeus；俄文：Иуда Леввей，拉丁轉寫：Iuda Levvey），係新約聖經記載嘅耶穌十二使徒之一。猶大係新教譯法，天主教譯爲猶達·達陡（jau4 daat6 daat6 dau2），東正教譯爲儒達（jyu4 daat6；俄文：Иу́да Фадде́й，拉丁轉寫：Iuda Faddey）。作爲基督敎聖人，佢又叫聖猶達、聖達陡、聖猶大、聖達太、聖儒達。有人認爲佢就係耶穌嘅細佬猶大，不過佢唔係出賣耶穌嘅嗰個猶大。

猶大·達太
聖達陡（佐治·多·拉·圖（Georges de La Tour）嘅畫）
宗徒、殉道者
生	1世紀 羅馬帝國加利利
死	1世紀 波斯
敬奉於	西方基督教 東方基督教
朝聖地	聖伯多祿大教堂 法國圖魯茲
慶節	10月28號（西方） 6月19號（東方）
象徵	斧頭、棍、船、槳、勳章
主保	亞美尼亞：危難環境，絕望情況，病院； 佛羅里達嘅聖彼德斯堡； 芝加哥警察局； 里約熱內盧嘅法林明高體育會； 菲律賓嘅奇桑盧些拿，安迪斯巴隆，甲米地特利些·馬鐵利斯

宗徒猶大，畫家安東尼·范·戴（Anthony van Dyck）

亞美尼亞使徒教會尊榮猶大·達太共巴多羅買做主保聖人。喺羅馬公教，佢係人喺絕望場合同危難環境嘅主保聖人。

喺《馬太福音》《馬可福音》記做「達太」，喺《路加福音》記做「雅各伯嘅仔猶達」，傳統上呢兩個名解釋係同一人物。