聖馬丁島

聖馬丁島響加勒比海東北部，波多黎各以東240公里，瓜德羅普以北240公里。全島面積93平方公里，人口7.5萬。

聖馬丁島嘅位置

聖馬丁島

呢個島北半部屬法國（法屬聖馬丁），南半部屬荷蘭（荷屬聖馬丁），中間有條長10公里嘅國界，自從1648年起已經係咁樣劃分。雖然荷屬區細啲（34平方公里），但係就多啲人。除咗法文同荷蘭話之外，島上亦流通英文。

2017年9月6號，颶風Irma直撲聖馬丁島，嚴重破壞道路、通訊、電力同埋房屋。聯合國估計90%建築物受損。