聯合航空3411號班機趕客落機
聯合航空3411號班機趕客落機係美國聯合航空一單醜聞，發生喺2017年4月9號，由芝加哥奧黑爾國際機場飛去路易斯維易國際機場嘅UA3411班次客機，有位搭客夾硬畀人趕咗落機，航空公司嘅處理手法引起好大爭議。
經過
編輯客機原定當地時間晏晝5點40分起飛，但航空公司突然話要安排4位職員搭呢班機，要求機上4個搭客落機。初頭職員話會賠400蚊美金，但無人理，再加碼到賠800蚊美金，都係無人理，就話用電腦隨機抽4個搭客。結果抽中4個人入面，有3個係亞裔人，當中有個係69歲華裔醫生。個醫生話佢第二日要睇症，唔可以走，又話會搵律師，航空公司就搵咗3位差人上機，夾硬抬佢落機，期間個醫生個頭撞傷咗流晒血。班機最後比原定時間遲咗約莫3個鐘頭先至起飛。