聯誦
讀法
編輯唔發音嘅詞尾喺元音或啞音 h 之前先會發生聯誦。值得注意嘅係，好多詞尾輔音唔發音嘅單字已經完全失去咗佢哋嘅詞尾輔音，例如 art 嘅 ⟨t⟩ 同 million 嘅 ⟨n⟩。因此唔應該假設淨係元音跟喺韻尾輔音後面就會發生聯誦。
每隻字母嘅聯誦發音如下：
- ⟨-d⟩：/.t‿/；例：grand homme /ɡʁɑ̃.t‿ɔm/（「大男人」）。
- ⟨-t⟩：/.t‿/；例：tout homme /tu.t‿ɔm/（「所有人」）。
- ⟨-s⟩：/.z‿/；例：les enfants /le.z‿ɑ̃.fɑ̃/（「小朋友」）。
- ⟨-z⟩：/.z‿/；例：venez ici /və.ne.z‿i.si/（「過嚟呢度」）。
- ⟨-x⟩：/.z‿/；例：faux amis /fo.z‿a.mi/（「假朋友」）。
- ⟨-f⟩：/.v‿/；例：neuf ans /nœ.v‿ɑ̃/（「九年」）。
- ⟨-c⟩：/.k‿/；例：porc-épic /pɔʁ.k‿e.pik/（「箭豬」）。
- ⟨-q⟩：/.k‿/；例：cinq amis /sɛ̃.k‿a.mi/（「五個朋友」）。「cinq」係法文入面唯一一個以 ⟨q⟩ 結尾嘅字，無論上下文都會清晰讀 /k/。
- ⟨-g⟩：/.k‿/ 或 /.g‿/；例：long article /lɔ̃.k‿aʁ.tikl/ 或 /lɔ̃.k‿aʁ.tikl/（「好長嘅文章」）。⟨-g⟩ 傳統發音為 /k/，但係喺現代法文入面多數讀 /g/。地名 Bourg-en-Bresse（布雷斯堡；/buʁ.k‿ɑ̃.bʁɛs/）為例外。
- ⟨-il⟩：/i.j‿/；例：gentil enfant /ʒɑ̃.ti.j‿ɑ̃.fɑ̃/（「善良嘅小朋友」）。
- ⟨-ille⟩：/i.j‿/；例：fille affable /fi.j‿a.fa.bl/（「友善嘅女仔」）。
- ⟨-er⟩：/ɛ.ʁ‿/ 或 /e.ʁ‿/；例：premier étage /pʁə.mjɛ.ʁ‿e.taʒ/（「第一樓」）。
- ⟨-p⟩：/.p‿/；例：trop élevé /tʁo.p‿el.ve/（「太貴」）。「trop」同「beaucoup」係唯二有聯誦嘅 ⟨p⟩ 字尾嘅字。
- ⟨-n⟩：/.n‿/；例：un ami /œ̃.n‿a.mi/（「一個朋友」）。
仲有一種聯誦方式，形容詞會喺元音開頭嘅名詞前面改變形式：以 -ain、-ein、-en、-in 或 -on 結尾嘅形容詞會去鼻音化佢哋嘅元音。bon 呢個字係 /bɔ̃/，但係喺呢種聯誦影響之下 bon ami 會讀成 /bɔ.n‿a.mi/，其他例子為 certain ami /sɛʁ.tɛ.n‿a.mi/、divin enfant /di.vi.n‿ɑ̃.fɑ̃/ 同 Moyen Âge /mwa.jɛ.n‿ɑʒ/。呢種聯誦法亦會令到陽性同陰性嘅形容詞發音一樣，所以 bon ami 嘅發音同 bonne ami 冇差別。
正如上面嘅音譯表示所指出，聯誦聲母通常係透過連鎖嘅方式實現嘅——即係話，原本嘅字尾聲母會發音為下一個音節嘅開頭。通常會發音嘅字尾聲母入面亦都會觀察到連鎖，例如喺 cher ami /ʃɛ.ʁa.mi/（「親愛嘅朋友」；cher /ʃɛʁ/ + ami /a.mi/）入面。喺兩種情況下，連鎖都可以睇成係避開法文入面冇開頭嘅音節嘅策略。
強制聯誦
編輯有少數情況之下，聯誦會喺所有嘅溝通風格入面一貫噉出現，而聯誦喺呢啲情況唔出現嘅話就會畀人視為係發音錯誤，如下：
- 喺決定詞同後面嘅形容詞或名詞之間：les enfants /le.z‿ɑ̃.fɑ̃/（「小朋友」）、ton ancien prof /tɔ̃.n‿ɑ̃.sjɛ̃ pʁɔf/（「你以前嘅老師」）、tout homme /tu.t‿ɔm/（「所有人」）
- 喺主語或賓語代名詞同動詞之間，或者反之亦然，或者喺兩個代名詞之間：nous avons /nu.z‿a.vɔ̃/（「我哋有」）
- 喺一啲複合詞入面：États-Unis /e.ta.z‿y.ni/（「美國」）、porc-épic /pɔʁ.k‿e.pik/（「箭豬」）