聲寶（日文：シャープ株式会社，商標：SHARP；東證1部：6753）係日本一間電器及電子公司。
創辦人早川德次1912年喺東京創業，1915年發明金屬製鉛心筆，後名為「Ever-Ready Sharp Pencil」，其中嘅「Sharp」後來成為商標名。工場喺1923年關東地震被摧毀之後，業務搬咗去大阪，並逐步轉型出電子產品。1935年業務註冊為「株式会社早川金属工業研究所」公司。公司改過名幾次，1970年正式以商標SHARP為公司名。
2016年4月2號，聲寶俾臺灣嘅鴻海科技集團收購，成為外資企業。
