職業示威

職業示威係指一啲由政府或者唔同組織請嘅示威者，喺全球好多地方都有呢種說法或者做法，但一直都有好大爭議性。

作出呢啲指控嘅目的，可以係為咗降低示威喺群眾眼中嘅合法性，製造反對者只係少眾嘅假像。

各地情況

美國

喺2011年佔領華爾街運動高峰期間，霍士電視台曾經聲稱運動喺某程度上由社區組織ACORN（Association of Community Organizations for Reform Now）推動，而呢個組織曾經出錢畀無家者參加遊行。

另外，喺2016年美國總統選舉，當勞侵當選之後，美國一度出現一啲反當勞侵嘅大規模示威，當時當勞侵亦形容部分人係「職業示威者」。

埃及

喺2011年埃及革命期間，埃及國家電視台就曾經散播訊息，指控「外國勢力」僱用反對者組織抗議反對總統穆巴拉克。到穆斯林兄弟會掌權之後，人權觀察就報導指穆斯林兄弟會同樣指控佢哋嘅反對者收咗反對派領袖嘅錢。

香港

内文：職業示威 (香港)

喺香港，親北京派同民主派都不時會對對方作出呢啲指控，而親北京派就經常指控親民主派嘅人收咗「外國勢力」嘅錢先至出嚟示威。