聽見歌 再唱

《聽見歌 再唱》（英文：Listen before you sing）係2021年上映嘅臺灣電影，由華納兄弟發行。由楊智麟執導，馬志翔、陳嘉樺等主演。故事根據真人實事改編，經過12年籌備，講述台灣原聲童聲合唱團成立嘅故事同身兼合唱團指揮馬彼得嘅經歷。

聽見歌 再唱
資料明細
主演	Umin Boya[*] 陳嘉樺 Bokeh Kosang[*] Q111693137[*] 張惠春[*] Q16075735[*] Q109411523[*]
製片商	華納兄弟 Warner Bros. Pictures[*] Warner Bros. Far East Inc.[*] Warner Bros. (F.E.) Inc. Taiwan Branch[*]
產地	中華民國
話	台灣國語 臺灣話 Bunun[*]
上畫同發行
上畫日期	2021年4月16號
分級
香港電影分級	第Ⅰ級

劇情簡介

一個連五線譜都唔識睇嘅體育老師方雅各（馬志翔 飾），同一個四圍搵學校流浪嘅合約制音樂老師黃韻芬（陳嘉樺 飾），一班五音不全嘅原住民細路，要喺三個月之內組成合唱團喺全國比賽中奪得冠軍，以解決面臨被廢校嘅危機。方雅各為咗帶領學生參加歌唱比賽，擔當合唱團教練同指揮，但係無論佢哋點咁努力苦練，希望能夠唱得好似其他合唱團噉樣，到比賽當日依然感到格格不入，缺乏信心，更加落敗收場。但係呢方面令到方雅各明白到原住民細路嘅聲線係與別不同嘅，佢哋冇必要跟足其他人，亦冇必要模仿別人嘅聲音。喺代課音樂老師黃韻芬嘅協助之下，兩個老師激發佢哋嘅學生勇敢面對自己唔同地方，自信噉喺台上唱出自己真正嘅聲音。

演員表

演員	角色	簡介
馬志翔	方雅各	體保生，畢業之後返到村落任教久埔國小嘅體育老師，係個認真負責好老師，之後成為咗合唱團指揮。
陳嘉樺	黃韻芬	遊走喺多間學校嘅音樂代課老師，喺一次陰差陽錯成為久埔國小合唱團嘅指導老師兼伴奏。
徐詣帆	史堅強	史榮同史耀嘅爸爸，因為喺學生時代競爭體保生輸俾雅各，總係處處針對佢。
撒基努	王爸爸	王心妍同王心雅嘅爸爸，喺一次工作意外導致半身癱瘓。
張惠春	王美娘	天生樂觀開朗，村落嘅大小事佢都知。任職喺久埔國小嘅營養午餐廚師。
杜滿生	盧校長	任教四十年嘅老師，之後成為久埔國小嘅校長。個性慢條斯理、成熟穩重。
黃舒湄	陳教授	方雅各大學時代最敬畏嘅老師，嚴格犀利，後嚟點醒方雅各忠於自己嘅聲音。

出面網頁

• 聽見歌 再唱嘅facebook頁
• 聽見歌 再唱嘅Instagram頁
• 《聽見歌 再唱》喺開眼電影網嘅資料（臺灣正體）
• 《聽見歌 再唱》喺Yahoo奇摩電影度嘅資料（臺灣正體）
• 《聽見歌 再唱》喺互聯網電影資料庫嘅資料（英文）