肉酸

肉酸（粵拼：juk⁶ syun¹；本字可能係朒脧），學術上叫厭惡wu3（disgust），係人或者動物對難睇，鶻突（俗寫「核突」）嘅一種形容。至於乜先至肉酸係冇一個客觀標準，因時、地、同人而定。由於肉酸嘢可能令有負面生理反應。亦可以因為道德觀念影響一個人嘅肉酸判斷。

一個大人覺得厭惡。

進化思考

睇埋：進化心理學同病原體

喺現代嘅心理學上，「厭惡」呢個概念可以噉樣想像：

• 人同第啲動物物種都經歷過幾億年嘅進化過程，受過物競天擇嘅考驗；喺自然環境當中有好多污糟嘢，好似係第啲動物嘅排泄物或者腐爛嘅嘢呀噉，呢啲污糟嘢會帶有病原體，而正路嚟講，曉避開呢啲污糟嘢嘅動物個體會冇咁容易病，所以比較大機會能夠生存落嚟並且繁衍後代，將佢哋嗰啲（令佢哋具有「避開污糟嘢」行為嘅）基因傳去下一代嗰度，所以進化嘅過程會令各動物物種具有避開污糟嘢嘅能力；
• 厭惡係一種幫手引導人遠離污糟嘢嘅功能：當一個人感知到「病原體可能存在」嘅訊號－即係見到排泄物、腐爛嘅嘢、或者已知鍾意食排泄物同腐爛嘢嘅動物（例如係烏蠅）－嗰陣，佢身體會出現一種厭惡嘅反應，呢種反應會令佢失去食嘢嘅意慾（令佢唔會食一啲接近病原體嘅嘢食）、有想嘔嘅感覺（令佢嘔返啲可能有病原體嘅嘢食出嚟）同埋想遠離引起厭惡感嘅物件－呢啲行為都有助指揮個個體同大機會帶有病原體嘅物件保持距離，被指係喺進化上間接幫助人保持自己身體健康；
• 厭惡嘅相關表情亦都被指係有進化上嘅適應功能，例如厭惡嘅面部表情其中一個特徵係個人會合埋眼，而呢點被指係幫助保護一個人對眼免受唔乾淨嘅空氣侵襲。

睇埋

• 恐懼
• 味覺
• 酸味
• 美感

拎

• Nancy Sherman, a researcher investigating disgust.
• Jon Haidt's page about the Disgust Scale.