股東大會
股東大會（Shareholders Meeting）由全體股東組成，係公司嘅最高權力機構，分為年度股東大會（又稱週年股東大會；Annual General Meeting，縮寫AGM，直譯「年度大會」）同臨時股東大會。年度股東大會每年召開一次，應當於上一會計年度結束後嘅6個月內舉行；臨時股東大會則會喺特殊情形時喺法律規定期限內召開。股東會嘅議案投票通過與否並非取決於投票股東人數，而係由投票股東嘅持股比例加起來係咪超過冚唪唥股權嘅半數來決定，會議主要內容為選舉董事、監察人，決議盈餘分配、蝕撥補及其他重大議案。喺某啲國家如美國，部份股東如創業時嘅股東，可以喺股東大會獲得高過佢哋持股比例嘅投票權，例如持有一股股票但係擁有兩股股票嘅投票權。一般嚟講，股東會都係由公司嘅負責人（如董事長）親自主持。另外，為解答股東公司法令與財務問題，需要指派律師與會計師列席[1]。
紀念品 編輯
喺一啲地方，如日本、台灣，召開股東大會前，部份公司會贈送紀念品畀股東，紀念品嘅內容大多為：
不過都有公司為降低成本，而唔送任何紀念品畀股東。
另類股東會 編輯
除咗一般嘅股東會外，有啲公司嘅股東會會加入額外嘅項目，例如鴻海集團曾喺股東會結束後招待與會股東到員工餐廳用餐。而波克夏更將股東會擴大舉辦成幾日嘅嘉年華會，旗下嘅各公司會設攤展示。